Reagimi i naftëtarëve ndaj Ramës: Nuk dalim nga greva, të presim këtu…

Menjëherë pas deklaratës së Edi Ramës për naftëtarët dhe grevën e tyre, ka ardhur edhe reagimi i naftëtarëve.

Ata nuk përjashtojnë dialogun për problemin e tyre, por nuk janë dakord që të ndërpresin grevën e urisë.

Ata e shpjegojnë këtë mos-ndërprerje duke thënë se kanë tentuar disa herë takimin me qeveritarët, por gjithmonë nuk kanë marrë një përgjigje.

Njeri nga naftëtarët tha për mediat se, e presim Edi Ramën këtu në këtë shesh në atë dhomë kur prej 7 ditësh gratë naftëtare janë ngujuar në grevë urie.

Po ashtu, duke iu referuar postimit në Twitter të kreut të qeverisë, ata shprehen se nuk kanë bërë asnjë herë presion dhe as nuk kanë kërkuar asgjë që ai nuk mund ta zgjidhë.