A do të jetë pjesë e listave për deputet? Pasi u përdor si leckë, Lleshaj i serviloset Ramës…

Kryeministri Edi Rama, Drejtori i Pergjithshem i Policise se Shtetit, Ardi Veliu, Ministri i Brendshem, Sander Lleshaj, ne ceremonine e inagurimit te godines se re te forcave RENEA, ne Yzberisht, me rastin e 107-vjetorit te krijimit te Policise se Shtetit./r/n/r/nPM Edi Rama, General Director of State Police, Ardi Veliu, Minister of Interior, Sander Lleshaj, at the inauguration ceremony of the new RENEA force building in Yzberisht, on the occasion of the 107th anniversary of the creation of the State Police.

Ministri i Brendshëm, Sandër Lleshaj gjatë intervistës së dhënë për “Ilva Noë”, deklaroi se raportimet për një dorëheqje apo shkarkimit të mundshëm të tij u nxitën nga një përgjigje ironike ndaj pyetjes nëse do të vazhdojë të jetë ministër.

“Në këtë pozicion ku jam, ngarkesa është aq e madhe sa të mbetet shumë pak kohë për të qeshur. Pyetja ishte; a është e sigurt që nuk do të jeni më ministër. U përgjigja po, sepse nuk kisha se si t’i përgjigjesha ndryshe asaj pyetjeje”, tha ministri.

Për të ardhmen e tij në politikë dhe mundësisë për të kandiduar për deputet, z. Lleshaj tha se, ka hyrë në politikë me ftesë të Edi Ramës ndërsa kandidimi varet nga Partia Socialiste.

“Kam ardhur në politikë për shkak se Edi Rama më ka ftuar. I jam përgjigjur ftesës së Ramës qoftë si këshilltar në 2013 dhe si ministër në 2018.

Nuk kam pasur asnjëherë aspiratë për të bërë karrierë në politikë. Preokupimi im kryesor është që të bëj detyrën me nder dhe përgjegjësi. Pjesa tjetër është çështje partie, në parti nuk vetë kandidohesh”, deklaroi Lleshaj.

Raportimeve për marrëdhënie te tensionuar mes tij dhe Drejtorit të Përgjithshëm të Policisë së Shtetit, Ardi Veliu, ministri iu përgjigj duke thënë se, ka një marrëdhënie të mirë dhe vlerësim për punën e kryer.

“Marrëdhënia me drejtorin e Policisë është një marrëdhënie krejt normale. Kam vlerësim për punën e bërë. Treguesit janë më të mirët”, përfundoi Lleshaj.