Humb jetën nga Covid-19 mësuesi dhe dy të shtruar tek Infektivi, shifrat e të infektuarve nuk kanë përmirësim

Një mësues 44-vjeçar nga fshati Udënisht i Pogradecit ka humbur jetën nga koronavirusi. Ai quhet Leonard Xhemollari.

Xhemollari prej ditësh ishte i intubuar në Spitalin Infektiv në Tiranë, por nuk ka arritur t’i mbijetojë sëmundjes edhe pse nuk kishte sëmundje të tjera. 44-vjeçari dyshohet se është infektuar në Ohër, ku kishte qenë me pushime.

Ministria e Shëndetësisë njofton se janë shënuar në 24 orët e fundit 3 viktima dhe 164 të infektuar nga COVID-19 nga 872 testime. Ndërkohë të shëruar janë 51.

Më shumë raste kishte Tirana 56, pasuar nga Shkodra me 11, dhe Durrësi, Korça e Lushnja me 10. Pacientët që sot gjetën vdekjen nga COVID-19, ishin të shtruar në dy spitalet COVID-19 aty ku janë 188 pacientë të shtruar, dhe 7 të intubuar.

Ministria e Shëndetësisë dhe Mbrojtjes Sociale, në prag të vitit të ri shkollor, ka një apel për mësuesit, prindërit, nxënësit; të respektojnë me rigorozitet masat për mbrojtjen ndaj COVID19 me qëllim parandalimin e përhapjes së këtij virusi.

Normaliteti i ri, i cili na kushtëzon të jemi të kujdeshëm në përditshmëri për ruajtjen e distancimit fizik, mbajtjen e maskave ose barrierave mbrojtëse në ambientet e mbyllura dhe kujdesin e shtuar për higjenën personale.

Prindër, kontaktoni me mjekun e familjes. Sinjalizojeni atë nëse ka diçka që shihni se nuk shkon te fëmija juaj. Matini çdo ditë temperaturën fëmijës para se të niset për në shkollë dhe pyetini nëse kanë ndonjë shqëtësim.

Mësues, treguhuni vigjilentë ndaj zbatimit të masave të rekomanduara nga ekspertët në ambientet e shkollës. Për çdo shqetësim, duhet të kontaktoni koordinatorin e shkollës, i cili sinjalizon menjëherë strukturat shëndetësore.

Nxënës, nëse gjatë qëndrimit në shkollë, vini re tek vetja, simptoma të COVID19, lajmëroni menjëherë mësuesin kujdestar.

Strukturat e sistemit shëndetësor janë në gatishmëri për t’ju përgjigjur çdo problematike, si dhe për të identifikuar dhe izoluar në kohë çdo rast të dyshuar.

Ju informojmë për situatën epidemiologjike në vend për 24 orët e fundit: Janë kryer 872 testime për të dyshuar të prekur nga COVID-19, dhe janë identifikuar 164 qytetarë të prekur nga virusi SARS-COV2, ndërsa të shëruar rezultojnë 51 qytetarë, duke e çuar numrin e të shëruarve në 6494 që nga fillimi i epidemisë.

Shpërndarja gjeografike e rasteve pozitive ditore është si vijon: 

56 raste në Tiranë, 11 raste në Shkodër,

nga 10 raste në Durrës, Korçë, Lushnje,

8 raste në Kurbin, nga 7 raste në Krujë, Fier, Kavajë, 6 raste në Lezhë, 5 raste në Elbasan, Vlorë, 4 raste në Gramsh, 3 raste në Kukës, Mat, Gjirokastër, 2 raste në Berat, Kamëz,

nga 1 rast në Has, Pogradec, Ura Vajgurore, Vau i Dejës, Bulqizë.

Në spitalin Infektiv dhe “Shefqet Ndroqi” po trajtohen 174 pacientë, 21 në terapi intensive nga të cilët 7 pacientë janë të intubuar.

Një mësues 47 vjeçar nga Pogradeci, pa sëmundje bashkëshoqëruese, pas 12 ditësh në terapi intensive në spitalin Shefqet Ndroqi, nuk e fitoi dot betejën me COVID19. Edhe një 78 vjeçar nga Fieri dhe një 87 vjeçar nga Gramshi kanë humbur jetën në 24 orët e fundit, me gjithë përpjekjet e mjekëve dhe infermierëve. I shprehim ngushëllimet familjarëve.

Ju lutemi kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga Covid19.

Telefononi në linjën e gjelbër falas 0800 40 40 nëse nuk e dini cili është mjeku juaj i familjes, dhe për çdo informacion te specializuar dhe te sigurt rreth Covid19.

Shifrat nuk kanë përmirësim/ 3 viktima, 164 të infektuar në 24 orët e fundit nga Covid

Ministria e Shëndetësisë njofton se janë shënuar në 24 orët e fundit 3 viktima dhe 164 të infektuar nga COVID-19 nga 872 testime. Ndërkohë të shëruar janë 51.

Më shumë raste kishte Tirana 56, pasuar nga Shkodra me 11, dhe Durrësi, Korça e Lushnja me 10. Pacientët që sot gjetën vdekjen nga COVID-19, ishin të shtruar në dy spitalet COVID-19 aty ku janë 188 pacientë të shtruar, dhe 7 të intubuar.