Covid-19 i merr jetën nuses, pak orë pas vjehrrës

Një 55 vjeçare nga Gramshi ka ndërruar jetë nga korovirusi vetëm disa orë pasi ndërroi jetë vjehrra e saj 78 vjeçare. Ndërsa bashkëshorti i 55-vjeçares ndodhet aktualisht në gjendje të rëndë shëndetesore.

Në 24 orët e fundit 3 viktima dhe 164 të infektuar nga COVID-19 nga 872 testime. Ndërkohë të shëruar janë 51.

Më shumë raste kishte Tirana 56, pasuar nga Shkodra me 11, dhe Durrësi, Korça e Lushnja me 10. Pacientët që sot gjetën vdekjen nga COVID-19, ishin të shtruar në dy spitalet COVID-19 aty ku janë 188 pacientë të shtruar, dhe 7 të intubuar.