Përdori jahtin e Marinës Kroate dhe një helikopter ushtarak për vizitën private tek Rama në Dhërmi

“Presidenti i Republikës së Kroacisë, Zoran Milanovi, përdori jahtin e Marinës Kroate dhe një helikopter ushtarak për të kryer një vizitë private në Shqipëri me Kryeministrin shqiptar Edi Rama.

Mediat shqiptare shkruajnë se Milanovi mbërriti në Shqipëri me anijen “Uчкаka”. Anija luftarake “Ucka”, që mbante familjen presidenciale kroate, u ankorua në portin e Himarës për dy ditët e fundit”, kështu nis artikulli i botuar në një nga mediat kroate sot.

Sipas asaj që shkruhet në këtë artikull, anija me të cilën Presidenti Kroat Zoran Milanoviç mbërriti në Shqipëri për të vizituar Kryeministrin shqiptar Edi Rama, ka një histori shumë të pasur.

Ai është një jaht motorik “Uchka” i cili më herët është quajtur “Podgorka” dhe ishte anija ekskluzive e Presidentit Jugosllav Josip Broz Tito.

Ky jaht është ndërtuar në vitin 1963 në Korcula dhe që atëherë në sallat e kësaj anije, Tito ka pritur mysafirë dhe liderë nga më të mëdhenjtë e historisë botërore.

Krerët e shteteve të njohura si anëtarë të Lëvizjes jo të Bashkuar, të tilla si ish-Presidentët egjiptian Gamal Abdel Nasser dhe Anëar al-Sadat, dhe udhëheqësi libian Muammar al-Gaddafi, janë mirëpritur në “Podgorka”.

Përveç shtetarëve të fuqishëm, divat e Hollivudit si Elizabeth Taylor dhe Sophia Loren kanë lundruar gjithashtu me jahtin “ekskluziv”, dhe pas prishjes së Republikës Federale Jugosllave, jahti u zhvendos nga Marina Jugosllave në Kroaci.

Që atëherë, ai ka qenë në dispozicion të presidentëve kroatë, dhe është përdorur nga Franjo Tudjman, Ivo Josipovic dhe tani nga Zoran Milanoviç.

Dy vjet më parë, “Uchka” mirëpriti anëtarët e Kombëtares së Futbollit Kroat, të cilët fituan cmimin e argjendtë (vendin e dyte) në Kupën e Botës në Rusi.

Anija Ucka është anija e vetme rezidenciale brenda Marinës Kroate.

Në sallonin e saj “Uchka” ka një qilim nga më të shtrentët, Persian, i cili ka mijëra nyje thurrje në çdo centimetër katror, ndërsa anija ka katër kabina VIP, muret e të cilave janë të veshura me mëndafsh.

Jahti është i gjatë 39 metra. Mundësohet nga dy motorë MTU, secili me një fuqi prej 1800 KW i cili lehtë mund të arrijë shpejtësinë prej 18 nyje.

Ajo mban 1500 litra ujë të pijshëm dhe 8000 litra karburant. Mund të strehojë 40 pasagjerë, 15 prej të cilëve janë anëtarë të ekuipazhit./abcnews.al