Berisha, apel vendeve të OSBE: Ndërpritini mandatin Lukashenkos së Tiranës në OSBE

Sali BERISHA

Miq, në një akt të paprecedentë kryesia e OSBE me kryetar Lukashenkon e Ballkanit, Edvin Drogën nuk bën dot një deklaratë për grabitjen e zgjedhjeve nga Lukashenko i Bjellorusisë.

Shkaku i heshtjes së Lukashenkos së Ballkanit për krimin e shëmtuar elektoral të Lukashenkos së Bjellorusise qëndron:

1-Në grabitjen e zgjedhjeve të përgjithshme parlamentare të vitit 2017 nëpërmjet drogës, pushtetit të tij të krimit, bandave kriminale tashmë të dokumentuara dhe publikuara në gazetën gjermane Bild.

2-Lukashenko i Tiranës është i vetmi në historinë e Europës pas rënies së Murit te Berlinit që në vitin 2019 zhvilloi zgjedhje vendore moniste duke dhunuar kështu kushtetutën e vendit, Konventën Europiane të të Drejtave të Njeriut dhe vendimet e Gjykatës Europiane të të Drejtave të Njeriut për zgjedhjet demokratike.

3-Lukashenko i Ballkanit pasi në procesin e reformës zgjedhore dështoi t’ua besonte administrimin e zgjedhjeve administratës së hiperpolitizuar të narkoshtetit të tij për të grabitur disa mandate në zgjedhjet e ardhshme vendosi si zuzar të shkelmojë marrëveshjen konsensuale të 5 qershorit të vitit 2020 dhe të ndryshojë kushtetutën për të mundur me grabit me ato ndryshime disa mandate, gjë të cilën Lukashenko i Bjellorusisë nuk e bëri.

Për të gjitha këto Lukashenko i Tiranës nuk mund të shqipëronte një fjalë të vetme kritike për Lukashenkon e Bjellorusisë.

Me këtë rast ju bëj thirrje vendeve anëtarë të OSBE të konsiderojnë ndërprerjen e menjëhershme të mandatit të Lukashenkos së Tiranës pasi ai me qëndrimet e tij frymëzon Lukashenkot e tjerë në hapësirën e Organizatës së Sigurisë dhe Bashkëpunimit në Europë dhe ka zhytur këtë organizatë tejet të rëndësishme në krizë të thellë. Sb’