Rilindja socialiste po talebanizon edhe universitetet

Në Shqipërinë tonë gjithçka po shkatërrohet. Po shkaterrohen vlerat dhe trashëgimia historike, kulturore urbanistike.

Jemi të gjithë deshmitare të percudnimit të shesheve të qyteteve tona nën aksionin famëkeq “rilindja urbane”.

Rrënimi i Tiranes, rrafshimi i qendrës së saj muzeale, betonizimi të skajshëm janë tjetër dëshmi rrenqethëse e talebanizmit socialist.

Ky inkuizicion i barbarëve në pushtet nuk mund të ketë kuptim pa zaptimin e tempujve të dijes, universiteteve .

Zgjedhjet skandaloze te 30 korrikut nëpër universitete e provojnë më së miri kete.

Zgjedhjet me nje kandidat, zgjedhjet me kandidatë pa integritet janë morali i qeverisjes se partise socialiste, të cilin e kthyen në norme edhe për universitetet.

Zgjedhjet në univeristetin e mjekësise (i vetmi universitet mjekësie në bote [!!]) me kthyen pas në vite në një rrëfim të prof. Pëllumb Bitrit të cilit rregjimi i Hoxhës i kishte zhvlerësuar doktoraturën e mbrojtur në Rusi, vetëm pse qeveria jonë prishi marrëdhëniet me sovjetikët.

Qeveria e socialiste po merr trajtat e një regjimit të Hoxhës.

Të gjithë jemi dëshmitarë të zgjedhjes se kreut të Akademisë së Shkencave me anë të ndërhyrjes së fortë të qeverisë socialiste.

Fundi i demokracisë në të gjitha nivelet po shoqërohet me fundin e lirive akademike dhe instalimin e monizmit zyrtar nëpër universitetet shqiptare e mbarë jetën social-ekonomike të vendit.

Me zgjedhjet nëpër universitete të këtij 30 korriku, rilindja socialiste përsëriti atë që realizoi me sukses 30 qershorin e vitit të kaluar.

Zgjedhja e znj. Ilirjana Zeka, në krye të FSHMT e cila nga të dhënat e doktoraturës plagjiaturë del nje person me integritet akademik të dyshuar, është njëra nga dëshmitë e mjerimit dhe kapjes nga politika talebane të universiteteve.

Ilir Allkja,
mjek

1 3

2 3

3

4