Rama drejt një katastrofe elektorale, synon 8 deputetë në tavolinë nga ndryshimet personale të Kushtetutës

Të gjitha sondazhet e ndryshme që po kryhen rrëzojnë Ramën nga pushteti dhe i japin një fitore bindëse opozitës. Sondazhet flasin për një fitore të qartë dhe të thellë në rast se zgjedhësve do t’u garantohet e drejta e votës.

I ndërgjegjshëm që po shkon drejt një katastrofe elektorale, Rama ka si shpresë të vetme ndryshimet personale të Kushtetutës dhe të Kodit elektoral që do ti mundësonin të merrte deri 8 deputetë nga votat e popullit opozitar.

Rama po përgatit një skemë të madhe mashtrime me zgjedhjet përmes këtyre ndryshimeve kushteteuse duke synuar të fitojë 8 deputetë në tavolinë.

Çdo ditë e më shumë Opozita e Bashkuar fiton mbështetjen e shqiptarëve për të marrë drejtimin e qeverisjes. Qëndrimet e saja dhe denoncimet e përditshme të aferave të qeverisë “Rama 2”, e kanë rritur shumë besimin tek opozita. Dhjetëra sondazhe e kanë konfirmuar këtë dhe Rama e di, sepse ka bërë edhe ai sondazhe të vetat.

Së fundmi këtë fakt e ka konfirmuar edhe një sondazh i bërë në Balkanëeb, që e nxjerr opozitën e bashkuar të fituar në zgjedhje me një diferencë të madhe, prej 13.5 për qind më shumë se Edi Rama dhe partitë që e ndjekin. Kjo është një diferencë e madhe, që Rama kërkon ta mbushë me ndryshime kushtetuese, duke ndaluar koalicionet parazgjedhore.

Më datë 30 korrik pritet që të vendoset fati i vendit, për zgjedhje normale me rregulla të gjithëpranuara apo rregulla të njëanshme ku do ketë përplasje e luftë në kutitet e votimit, edhe me hunjë!

Kjo do jetë java që do mbahet mend gjatë në historinë e vendit, pasi këtë javë kryeministri Rama ose do ti thërrasë arësyes për konsensus kombëtar për zgjedhjet, ku PS dhe PD-LSI të bien dakort ose ai do fus duart në Kushtetutë në mënyrë të njëanshme, duke sjellë destabilitet politik në vjeshtë, pasi sipas opozitës reale do ti bëhet thirrje popullit me maska apo pa maska për të rrëzuar regjimin që kërkon të vjedhë zgjedhjet akoma pa u zhvilluar.