Fuqizoni trurin tuaj, tre mënyra për të rritur qarkullimin e gjakut

Truri ynë ka shumë struktura të njohura si amigdala që zbulon rrezikun, por shpesh ne marrim si të mirëqenë 400 milje enë gjaku që shtyjnë një litri gjak në minutë, duke bartur brenda oksigjen dhe lëndë ushqyese dhe duke bërë largimin e mbeturinave.

“Truri është organ shumë metabolik, kështu që kërkon shumë lëndë ushqyese dhe oksigjen të funksionojë siç duhet dhe këto mund të arrijnë vetëm në trurin tonë kur kemi qarkullim të mirë të gjakut”, thotë mjeku Emilie Wilson.

Kur ajo rrjedhje e gjakut është optimale, ndjehemi të mbushur me energji dhe kemi kokë të qartë; kur është e ulët, ndihemi të mjegullt dhe të apatik.

Për të rritur qarkullimin e gjakut të trurit, strategjitë specifike të jetesës janë provuar të jenë mjaft efektive:

Hani në mënyrë strategjike, veçanërisht panxhar dhe çokollatë.

Oksidi nitrik krijohet në endoteli, shtresa e hollë e qelizave që rreshtin enët e gjakut; ajo relakson muskujt e brendshëm, duke maksimizuar rrjedhën e gjakut. Veçanërisht rekomandohet panxhari – një studim raportoi se në formë lëngu, rrit nivelin e oksidit nitrik deri në 21 për qind në 45 minuta – si dhe çokollatën e errët.

Në një studim të Harvardit, të moshuarit që pinin dy gota çokollatë të nxehtë në ditë, për 30 ditë kishin përmirësim të qarkullimit të gjakut në tru dhe kujtesë më të mirë.

Lëvizni trupin

Ecja e shpejtë, vrapimi, çiklizmi, noti, gjuajtja e topit, ngritja e peshës dhe joga të gjitha ndihmojnë në përmirësimin e rrjedhës së gjakut kraniale, thotë Ignarro: “Aktiviteti fizik stimulon prodhimin e oksidit nitrik në të gjitha arteriet, përfshirë ato në tru”.

Në një studim, gratë mbi 60 vjeç që ecnin prej 30 deri në 50 minuta tre ose katër herë në javë rritën rrjedhën e vazhdueshme të gjakut kraniale deri në 15 për qind.

Luajë muzikë

Hulumtimet duke përdorur imazhe funksionale të rezonancës magnetike të botuar në ‘Scientific Reports’, zbuluan se fluksi i gjakut në tru rritet kur njerëzit dëgjojnë muzikën që ata pëlqejnë.