Milionerët bëjnë kërkesën e çuditshme: Na taksoni, na rrisni taksat derisa bota të shërohet nga kjo krizë

Realizatori i komedisë së njohur “4 Dasma dhe një Funeral”, Richard Curtis, është personi i fundit që e vendosi emrin në dokumentin e krijuar nga grupi “Milionerë për njerëzimin” në të cilin përfshihet dhe trashëgimtari i Disney Abigail Disney dhe 83 milionerë të tjerë.

Dokumenti, i botuar në internet, propozon që paratë e mbledhura nga rritjet e taksave të përdoren për të ndihmuar shoqërinë në mënyrë që të rikuperohet nga ndikimi shkatërrues i pandemisë së koronavirusit.

“Ndërsa Covid-19 godet botën”, thuhet në letër, “Milionerët si ne kanë një rol kritik për të shëruar botën tonë”.

“Jo, ne nuk jemi ata që kujdesemi për të sëmurët në repartet e kujdesit intensiv. Ne nuk po drejtojmë ambulancat që do të sjellin të sëmurët në spitale. Ne nuk po rindërtojmë raftet e dyqaneve ushqimore ose nuk ofrojmë ushqim derë më derë. Por ne kemi para, shumë prej nesh. Para që janë të nevojshme tani dhe që do të vazhdojnë të jenë të nevojshme në vitet në vazhdim, pasi bota jonë të shërohet nga kjo krizë”.

Milionerët pjesë e këtij grupit janë të gatshëm që taksat e tyre të rriten në menyrë që kjo rritje të shkojë në luftën kundër pandemisë.