Lirohet nga burgu anëtari i grupit Avdylaj!

Është liruar nga burgu anëtari i grupit Avdylaj, Saimir Gjepali. Seanca është zhvilluar me dyer të mbyllura, gjyqtar ka qenë Vladimir Skënderi, prokuror Drini Pali. Vladimir Skënderi ka vendosur si masë “detyrim paraqitje” për Gjepalin.

Saimir Gjepali i arrestuar gjatë operacionin Vol-Vo 4 dy vite më parë si anëtar i grupit Avdylaj është liruar nga Gjykata e Durrësit.

Po ashtu Gjepali së bashku me anëtarët e tjerë të grupi Avdylaj dhe bashkëpunëtorë u arrestua në tetor të 2018 ku u goditën 4 grupe kriminale për laboratorin e heroinës në Has.

Kërcënuan gardianët, Gjipali i bandës së Avdylajve ‘mban fjalën’

Saimir Gjipali “mban” fjalën e dhënë ndaj policit të burgjeve. I akuzuari në dosjen “339” ka arritur të fitojë lirinë nga Gjykata, vetëm disa ditë pas ngjarjes së ndodhur në ambientet e paraburgimit 313, shkruan Panorama.

Gjipali, bashkë me anëtarë të grupit “Avdylaj”, sipas dosjes së Drejtorisë së Burgjeve, kërcënuan me jetë një nga punonjësit e Policisë, pasi iu gjetën aparat celular në qeli.

Nga transkriptimet e bisedave të bëra rezulton se Gjipali dhe pjesëtarët e tjerë të Avdylajve kërcënojnë punonjësit e Policisë, duke u thënë se do t’i vrasin e presin sapo të dalin nga burgu. Madje, Gjipali dinte edhe faktin se do të lirohej nga burgu pas 10 ditësh.

Sipas burimeve, gazeta “Panorama” mëson se seanca për rivlerësimin e masës së sigurisë është bërë ditën e martë, në Gjykatën e Durrësit. Gjyqtari Vladimir Skënderi e ka liruar nga burgu, duke e lënë në “Detyrim paraqitjeje” Saimir Gjipalin. Ndërsa prokuror në këtë seancë mësohet se ka qenë Drini Pali.

KERCENIMET

-A e dini se kush jemi ne?

-A e dini se kush jam unë, o spiuna?

-S’ka bir kurve që të më prangosë mua.

-Do keni probleme me mua dhe e keni personale tani e tutje.

-Kam për t’ua q… robt dhe do t’ju zhduk e degjeneru o legena.

-Do t’ju vrasim e prsim ju që po nga ngacmoni… nuk kontrolloni dot Avdylajt ju.

-A më njef mua? A e di kush jam??!

-Do keni probleme! Ne ju njohim.

-Ua dimë shtëpitë ku banoni.

-Ty të njoh se më ke shoqëruar për vizitë në spital, madje më ke brë edhe foto.

-Të njohim shumë mirë ty o Shpëtim. Ç’të duhet ty me na kontrollu. Kush e paska dhënë këtë urdhër?!

-Ta tregojmë ne qejfin ty, ke për ta shiku këtë punë se çfarë kemi për të bërë.