Leksion nga një Republikë Afrikane, Tirana hesht!

Nga Bardh SPAHIA

Edhe një republikë afrikane presidenciale si Zimbabve jep një shembull se si luftohet korrupsioni duke arrestuar ministrin e Shëndetësisë, për shkak të skandalit se qeveria i kishte dhënë 60 milionë dollarë kompanisë ‘Drax International’ ku aksioner ishte biznesmeni shqiptar Ilir Dedja, sipas mediave, emri tjetër i Klodian Mërtirit, pronarit në letra të inceneratorit dhe landfillit të Tiranës.

Kur drejtësia vepron në një republikë afrikane, si ka mundësi që drejtësia jonë e re, ajo për të cilën u sakrifikuan prej gati 3 vitesh Gjykata Kushtetuese e Gjykata e Lartë, nuk funksionon?

E nëse në Zimbabve dhënia e parave të taksapaguesve një firme më këtë aksioner, con para drejtësisë një ministër, si shpjegohet që në Shqipëri, gëzon rehat paratë publike?
Asnjë pritshmëri se Edi Rama do luftojë korrupsionin, sepse ai vetë është minimumi favorizuesi i tij, por si ka mundësi që qoftë edhe për fasadë, një herë të vetme, organet e reja të drejtësisë, SPAK i pari, nuk po na jep një provë që të justifikojë si pritshmëritë publike tek drejtësia e re, ashtu edhe fondet e konsiderueshme që taksapaguesit e BE dhe ata të SHBA kanë investuar për reformën në drejtësi?

Vendi pa Gjykatat e epërme që të frenojnë makutërinë ekonomike e politike të qeverisë dhe apatia e prokurorisë e vetë SPAK, nën heshtjen e sikletosur të ndërkombëtarëve, është imazhi i errët i vendit nën rregjimin e Edi Ramës!