Përlahen çdo ditë nga 400 mijë euro/ Fusha e Sharrës, si miniera e floririt e Edvin Hajdutit!

Nga Sali BERISHA

Sharra njihet tashme si Fusha e Parave pasi aty Edvini se bashku me Lal Plehun perlajne çdo dite nga 400,000 euro.

Miq, para pak ditesh, si i dashuruar marrezisht pas plehrave, Edvin Hajduti kishte zgjedhur te pershendese ne mengjes nga Sarajet e Surrelit narkozyrtaret e vet me nje video realizuar me dron, qe paraqiste krenarisht Fushen e Sharres ne te cilen plehrat shnderrohen ne para, ne fakt ne flori per ate dhe Lal Plehun. Afera e plehrave e Edvin Hajdutit dhe Lal Plehut eshte nder aferat me mafioze-korruptive me te medha. Konkretisht ajo konsiston:

1. Te gjitha plehrat e Tiranes mblidhen nga Eco Tirana, ndermarrje e Bashkise se Tiranes me menaxher te paligjshem zv/kryetarin e Bashkise Mazniku qe ne kundershtim me ligjin merr dy paga, dhe AGSM Verona e bosit te rrezikshem te Ndragetes, Andrea Miglioranzi i arrestuar nga autoritetet italiane si kreu i mafies se Verones. Kjo marreveshje u firmos nga Lal Plehu me Flavio Tosin ish kryetar i Bashkise se Verones tani nen hetim ne vendin e tij.

Plehrat e Tiranes jane monopol i Rames-Veliajt-Ahmetajt permes bedelit Zoto. Ato prodhojne flori per keta 4 persona ndaj edhe keta te 4 kane vene policine e shtetit dhe bashkiake te gjemojne cdo rom qe guxon te marre ca kanace ne koshat e mbeturinave. Duke pasur monopol, kane rritur cmimet sipas oreksit dhe shume me lart sesa Mali i Zi. Eco Tirana depoziton plehrat e mbledhura ne Fushen e Sharres ku i paguan nga parat e takspaguesve ndermarrjes private te perpunimit te plehrave te Edvin Hajdutit dhe Lal Plehut ne Sharre qe menaxhohet nga sekseri apo bedeli i tyre Klodian Zoto:

a) 29 euro per ton mbetje;
b) 6 euro per ton dhera te pastra;
c) 9 euro per ton inerte.

Te gjitha kompanite private te ndertimit detyrohen qe dherat dhe inertet ti depozitoje vetem ne Fushen e Sharres se ky eshte monopol dhe biznesi i Rames. Nese duan te marrin dhera dhe inerte per sistemime urbane prape nuk lejohet t’i levizin nga kantieri 1 e t’I cojne ne kantierin 2, por duhet te paguajne dy here edhe per depozitim edhe per blerje si mall i ri vec nga monopoli Rama-Velia i Sharres dhe t’a paguajne:

a) 10 euro per 1 ton dhera te pastra dhe
b) 27 euro per 1 ton inerte qe depozitojne apo 540 euro per çdo kamion. Kjo eshte arsyeja pse kamionet e Salillarit qe punojne tek unaza e Tiranes nisen deri ne Skuraj te Kurbinit per te hedhur inertet e ndertimit. Del me lire te paguaje 100 euro nafte kamionit sesa t’i coje tek monopoli Rama-Veliaj.

Policia me urdher te Rames nuk lejon te dale asnje kamion me inerte apo dhera nga Tirana. Kamionet e kompanive te ndertimit qe u nisen per t’I depozituar ne landfillin e Bushatit u ndaluan ne Kamez nga policia e shtetit duke I thene hapur shofereve “po ky eshte biznes i Rames ndaj nuk ju leme te coni tjeterkund”.

Po me urdher te Rames, situata ne Durres eshte degjeneruar qellimisht, plehrat lihen mal dhe digjen duke shkaktuar kancer per te tmerruar qytetaret, me skenar dhe rregji qe Hajduti i Surrelit te dale si shpetimtar per emergjencen se do paguaje shteti per t’i sjelle ne Sharre. Pra do nxjerre para nga buxheti i shtetit ne mengjes per t‘i fut ne xhepin personal ne dreke!

Duke e pasur monopol privat Sharren, hajduti i Surrelit rriti me 1/3 cmimin e depozitimit te mbetjeve ne Sharre nga 22 ne 29 euro pa asnje justifikim ligjor dhe asnje ekspertize nderkombetare. Vec grykesia per te vjedhur. Krahasoni cmimet e Sharres per (i) mbetjet, (ii) dherat dhe (iii) inertet dhe do shihni se jane nga dyfish deri ne 12 fish me shtrenjte se Mali i Zi. Depozitimi i dherave te paster ne Malin e Zi kushton vec 0.5 euro pasi nuk eshte monopol, perkundrazi shteti ka caktuar 4-5 vendndodhje (ish gurore) qe duhen rehabilituar me dhera te paster duke permiresuar mjedisin.

Ne bregun tjeter te Adriatikut, ne Verona, antimafja italiane prangosi si bos kryesor te Ndragetes Andrea Miglioranzin kurse ne Shqiperi antimafja eshte vet Edvin Mafia ndaj dhe Fusha e Sharres, minjera e tij Floririt eshte e paprekshme! sb