Operatorët turistikë letër Ramës: Jemi goditur deri në 100% të të ardhurave, të hiqen kufizimet e qytetarëve……

Në një kohë kur sezoni turistik tashmë duhet të kishte nisur, operatorët turistikë në vendin tonë i kanë dërguar një letër kreut të qeverisë Edi Rama, ku i kanë renditur kërkesat e tyre. Unioni Turistik Shqiptar i ka kërkuar kryeministrit Rama që në përgatitje për sezonin turistik, të heqë barrierat që pengojnë ushtrimin e aktivitetit, siç janë kufizimet e lirisë së lëvizjes dhe mos lejimi i hapjes së plazheve dhe më pas hapja e kufirit tokësor për turizmin rajonal.

Ata kërkojnë që deri në fund të muajit Maj të hapet edhe turizmi i organizuar në mënyrë që ky sektor të ketë mundësi të ripërtërihet pas goditjes së dhënë nga pandemia, dhe në mënyrë që të thithë sa më shumë turistë.

Më tej në këtë letër Unioni Turistik Shqiptar shprehet se ka ardhur koha të hiqet fasha e orarit të vendosur për lëvizjet e qytetarëve dhe të rakordohet me vendet kufitare në mënyrë që të hartohet një plan i përbashkët për sa i përket hapjes së turizmit. Në letër thuhet se në rast se kufijtë nuk haper deri në 18 Maj, sektori i turizmit do të goditej rëndë. Më tej ata shprehen se subjektet turistike kanë një rënie nga 90-100% të të ardhurave. Në letër shkruhet se partnerët ndërkombëtar që operojnë me fluturime Charter janë të gatshëm të vijnë duke filluar nga 1 qershori.

“Referuar situatës aktuale, e cila sipas specialisteve konsiderohet me e stabilizuar dhe rënies se virulencës se virusit, ne mendojmë se ka ardhur koha qe të hiqet fasha orari i vendosur për lëvizjen e qytetareve dhe te rakordohet me vendet kufitare në mënyrë qe te hartohet një plan i përbashkët për sa i përket hapjes për qëllime turizmi.

Konstatojmë se në qoftë se nuk hiqen kufizimet e lëvizjes për qytetaret në mënyrë qe te shfrytëzohet turisti vendas dhe së paku nga 18 maj nuk hapen kufijtë me vendet kufitare ky sektor do ndeshet me pasoja shumë të rënda dhe një numër i madh i këtyre subjekteve pritet të falimentojnë”, thuhet në letër ndër të tjera.

1 1

2