Artistët protestë para SPAK: Hetoni tentativën e vrasjes në Teatrin Kombëtar!

Ashtu siç ishte parashikuar, Aleanca për Mbrojtjen e Teatrin ka nisur sot protestën e saj para SPAK, ku kërkon vijimin e hetimit lidhur me shembjen e Teatrit Kombëtar.

Përfaqësues të Aleancës, të mbështetur dhe nga qytetarë, qëndrojnë para godinës së SPAK, ndërsa i pari që ka marrë fjalën para protestuesve ka qenë regjisori Edmond Budina.

Ky i fundit deklaroi se SPAK duhet të hetojë tentativën për vrasje nga policia, pasi brenda teatrit kishte artistë gjatë kohës që po niste shembja.

Budina tha se disponojnë prova se në momentin e shembjes së pjesës ballore të Teatrit, artistë dhe aktivistë kanë qenë brenda godinës.

“Do kërkojmë hetimin për tentativën për vrajse të artistëve. Të hetohet edhe RENEA. RENEA ndërhyn kundër grupeve terroriste. Ne kemi dëshmi që në kohën që po rrëzohet fasada, dhe pamje se kishte ende njerëz që po dilnin nga godina. Ata mund të thonë që janë montazhe, por ne do të gjejmë ekspertë ndërkombëtarë që t’i shohin pamjet”, tha Budina.

Regjisori Budina tha se ‘ne do të vazhdojnë protestat deri sa të shohim një lëvizje nga prokuroria’.

budina1590053012