Nuk përmbahet Beqja! Pas “uljes së pagave e pensioneve”, ja çfarë kërkon tani

Ju kujtohet historia e qeverisë që vendosi të ndihmojë familjet në nevojë me dekodera televizivë?

Edhe denoncimet e opozitës se kjo është më shumë një aferë sesa një ndihmë për nevojtarët?

Historia u rikthye para pak javësh kur BIRN raportoi se, këta dekodera ishin kot nuk plotësonin kushtet ligjore.

Para disa ditësh, opozita shqiptare denoncoi se në historinë e tenderave sekretë, me të cilët qeveria po vjedh në kohë pandemie, është përfshirë edhe një nga këto firma që ka shpërndarë dekoderat.

Por historia e dekoderave u rimor sot nga deputeti socialist, Ilir Beqja.

Ai tha në parlament se nisur nga ky shembull, duhet që të varfërve t’u shpërndahen celularë të zgjuar.

Historia e mëparshme të bën të besosh se qëllimi duket të jenë sërish tenderat sesa ndihma për të varfrit.

Aq më tepër kur ky propozim erdhi nga Beqja, i cili së fundmi është kthyer në personazhin më të urryer në opinionin publik pasi propozoi shkurtimin e pagave dhe pensioneve si masë për të dalë nga kriza.

Opozita thotë se ky propozim vazhdon të qarkullojë në tryezat e qeverisë.