Covid-19/ Spitali i “ferrit”, të infektuarit të shtrirë nëpër korridore

Pamje të rënda vijnë nga ambientet e spitaleve në Spanjë. Në këtë video të bërë publike në mediat e huaja, shihen të sëmurë me koronavirus, të shtrirë në dyshemetë e korridorit në pritje të ndihmës ndërsa dëgjohen duke u kollitur.

Disa prej tyre shihen të kenë pranë edhe bombola oksigjeni, ndërsa një mjek qëndron afër tyre duke i vëzhguar.

Pamjet janë bërë publike në rrjetet sociale dhe mediat spanjolle për të ndërgjegjësuar popullatën për rrezikun që sjell Covid-19 dhe për situatën e rëndë në të cilën ndodhet vendi.

Derimë tani në Spanjë kanë rezultuar 29,909 të prekur me COVID19, nga të cilët 1813 kanë humbur jetën, ndërkohë që 2,575 janë shëruar derimë tani.