Boris Johnson: Do e mposhtim koronavirusin brenda 12 javëve të ardhshme

Kryeministri i Britanisë së Madhe, Boris Johnson deklaroi në konferencën e radhës se koronavirusi mund të zmbrapset brenda 12 javëve të ardhshme.

“Jam absolutisht i sigurt se mund ta ‘paketojmë’ virusin në këtë vend. Ne do e kthejmë dallgën brenda 12 javëve të ardhshme”, tha ai.

Megjithatë kryeministri u bëri thirrje qytetarëve që të zbatojnë rregullat strikte.

Kjo është hera e parë që një drejtues shteti flet me afate konkrete për luftën ndaj koronavirusit.

Johnson tha se shkencëtarët britanikë po punojnë me shpejtësi për të kuptuar më mirë sëmundjen, në mënyrë që ta luftojnë atë.

Ai zbuloi po ashtu se pacienti i parë britanik me koronavirus është vendosur në testim për një ilac që mund të shërojë sëmundjen.

Po ashtu, Johnson tha se vendi po bëhet më i mirë në testimin e sëmundjes.