3 të vdekur brenda ditës nga koronavirusi, shkon në 5 numri i viktimave

Ka shkuar në 5 numri i viktimave si pasojë e COVID19 në vendin tonë, ku vetëm në orët e fundit kanë humbur jetën 3 persona.

Ministria e Shëndetësisë njofton se ka humbur jetën pak minuta më parë dhe një 61-vjeçar, i cili gjendej i shtruar në spitalin Infektiv prej disa ditësh, dhe kishte sëmundje të tjera shoqëruese.

Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.

Njoftimi i Ministrisë
Gjatë mëngjesit të sotëm ndërroi jetë një pacient 61-vjeçar i shtruar në spitalin Infektiv, i konfirmuar me COVID-19, i cili ndodhej në terapi intensive.

61-vjeçari nga Tirana është vendosur në frymëmarrje të drejtuar (respirator) për disa orë, por pavarësisht përpjekjes së mjekëve, nuk ka mundur të mbijetojë.

61-vjeçari kishte sëmundje bashkëshoqëruese.

61-vjeçari është viktima e pestë i prekur nga COVID-19 në Shqipëri.

Ministria e Shëndetësisë i shpreh ngushëllimet familjes së të ndjerit dhe apelon dhe një herë qytetarët të respektojnë me shumë rigorozitet rregullat e distancimit social dhe të telefonojnë 127 në rast se kanë shenja të sëmundjes.