Llesh kimiku e pranon: “Gazin që helmoi protestuesit e morëm në Kosovë”

Ministri i Brendshëm, Sandër Lleshaj gjatë përgjigjies në Kuvend, ka dhënë sqarime për investigimin e publikuar nga gazeta “Insajderi” se Shqipëria mori gaz nga Kosova për protestuesit e opozitës me urdhër të presidentit Hashim Thaçi.

“Kam dëgjuar spekulime, jo po ka ardhur nga Kosova. Po kemi marrë një sasi gazi nga Kosova në muajin qershor, por është aty dhe s’është përdorur. Gazi është përdorur nga rezervat që kemi patur që nga qeveria më e mëparshme”, tha Lleshaj në Kuvend.

Gazeta Insajderi zbulon dy ditë më parë një dokument sipas të cilit nga policia e Kosovës u huazuan 500 granata me gaz lotsjellës. Kjo sasi prej 500 granata me gaz ishte “dhuratë” e Hashim Thaçit për partnerin e tij politik Edi Ramën, kryeministrin e Shqipërisë.

Gazetari nga Kosova dhe drejtori ekzekutiv i Insajder, Parim Olluri në një lidhje me skype me gazetaren Beti Njuma në studion e lajmeve te Televizionit Ora sqaroi se marrëveshja është nënshkruar nga dy drejtorët e Policisë së Kosovës dhe Shqipërisë. Për shkak të ligjit, Kosova e ka të ndaluar që t’i japë armë jo vetëm Shqipërisë, por asnjë vendi tjetër.

11 2

gaz helmues