I shkeli të dy këmbët me makinë dhe më pas vdiq, ekspertiza: Plagosje e lehtë!

Një 64 vjeçare nga Elbasani ka ndërruar jetë disa ditë pas aksidentit, ndërkohë drejtuesi i mjetit që shkaktoi aksidentin është lënë i lirë, pasi ekspertiza mjeko-ligjore e klasifikoi si plagosje të lehtë. Akti mjeko-ligjor ka nxjerrë në pah se 64 vjeçarja nuk është plagosur rëndë, pra ka pasur dëmtime të lehta.

Ç’ka ka bërë që gjykata dhe prokuroria të lënë të lirë 22 vjeçarin vetëm me akuzën e largimit nga aksidenti, ndërsa tanimë nëna e katër fëmijëve në lagjen Skënderbej në Elbasan ka ndërruar jetë në spital si pasojë e plagëve të rënda.

Djali i viktimës Reans Myrteza, në një intervistë për Fax News ka rrëfyer gjithë ngjarjen e ndodhur mesditën e 5 shkurtit. Ai thote se nëna e tij ndërroi jetë nga hemoragjia e brendshme si pasojë e përplasjes. Ai kërkon drejtësi, pasi në të kundërt do të jetë ai që do të kryeje vetëgjyqësi.

Mjeksia ligjore e cila në shumicën e rasteve do të paktën 10-15 ditë të shprehet në rastin konkret e ka nxjerrë aktin për 72 orë. Kjo ka qenë dhe arsyeja që gjykata ka vendosur lirimin e 22 vjeçarit i identifikuar si Xhoalt Shermadhi.

“Tek i demtuari konsatohet: Thyerje e një prej kockave të kërcit të këmbës së majtë dhe thyerje e gishtit në anën e djathtë. Këto dëmtime hyjnë në kategorinë e atyre që kanë shkaktuar paaftësi të përkohshme për punën mbi 9 ditë.

Ky është konkluzinoni i arritur nga eksperti mjeko ligjor Renato Osmenaj në datën 6 shkurt 2020. Në bazë të këtij vendimi Xhoalt Shermadhi është lënë i lirë. Kanë qenë pikërisht këto dëmtime që i kanë sjellë vdekjen 64 vjeçares Violeta Myrtezai disa dite ditë pas aksidentit.

Ne lidhje me aksidentin nuk ka patur as nje reagim zyrtar nga policia, ndersa e gjitha eshte mbyllur me shpejtësi.