Zbulohet shuma e parave të grabitura në Tiranë

Detaje të reja zbardhur nga grabitja e ndodhur këtë mbrëmje në zonën e Komunës së Parisit, në Tiranë.

Sipas raportimeve paraprake, një person i maskuar me kapuç dhe me një levë në dorë ka grabitur një institucion financiar, ku ka marrë një shumë parash prej 50 mijë lekësh të rinj.

Policia ndodhet në vendngjarje dhe ka nisur hetimet për zbardhjen e plotë të ngjarjes.

Njoftimi i Policisë

Rreth orës 18:07, në rrugën “Medar Shtylla”, në një zyrë që i përket një institucioni financiar për kredidhënie në shuma të vogla, një person ende i paidentifikuar dhe i pa armatosur, ka marrë një sasi parash rreth 50 mijë lekë të reja dhe është larguar me vrap.

Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë.

Grupi hetimor po punon për identifikimin dhe kapjen e autorit.