Paloka: Shqiptarëve nuk do ju ndahen fatkeqësitë sa të jetë Rama kryeministër!

Nga Edi PALOKA

Shqiptareve nuk do ju ndahen fatkeqesite sa te jete Rama kryeminister. Ai eshte fatkeqesia me e madhe qe i ka rene ketij vendi!

30 qershori nuk ishte “deshtim” i opozites, perkundrazi e nxorri Ramen lakuriq jo vetem para shqiptareve por perpara gjithe botes. 30 qershori tregoi se Rama nuk heq dore nga te inkriminuarit dhe vjedhja e votes edhe kur eshte i vetem.

30 qershori tregoi se Rama eshte ne piken me te ulet te mbeshtetjes qe ka patur ndonjehere nje parti e madhe. 85% e shqiptareve kerkojne largimin e tij.

Opozita nuk ka harruar te therrase “Rama ik” se edhe sikur “te harronim” nuk na lene qytetaret qe e kane kthyer ne himn nga rruga ne stadiume…

Rama eshte sot kryeministri me i urryer nga shqiptaret ketej e andej kufijve…

Nënkryetari i PD, Edi Paloka në një intervistë për Top Channel deklaron se demokratët nuk kanë hequr dorë nga kërkesat e tyre për të larguar Ramën, por së fundmi kanë qenë të detyruar për të bërë armëpushim.

2019 u mbyll pa zgjidhje të krizës politike, ndërsa 2020 për demokratët duhet me patjetër ti japë fund problemeve të vjetra. Rrugët mbeten të njëjta.

Paloka: E vetmja mënyrë, çfarë do të bëjë Rama për të zgjidhur krizën, janë zgjedhjet e parakohshme dhe ti japim mundësi shqiptarëve që me vullnet të lirë të zgjedhin ato që do i qeverisë ndryshe gjërat do të shkojnë akoma vetëm keq. Shpresoj dhe uroj dhe gjasat janë që viti 2020 të jetë vit ndryshimi.

Por, si do e realizojë qëllimin e saj opozita?

Paloka: E gjithë bota i thotë ta njohë dhe ta zgjidhë krizën. Rama nuk e njeh krizën. Edhe BE edhe kushtet që i janë vënë Ramës flasin për krizën. Së pari ta njohë dhe ta zgjidhë, së dyti pa opozitën s’mund ta zgjidhë krizën.

Në janar demokratët bëjnë publike propozimet për reformën zgjedhore dhe presin që hapin e radhës ta hedhë mazhoranca për t’u ulur jashtë parlamentit.

Nëse nuk është dakort me propozimet tona të ketë një kundër propozim se duam atë tryezë që pranoni ju dhe të kemi tryezë tjetër por jo atë komision që ai përfaqëson parlamentin vetëm të një pale. Ne jemi të gatshëm. Ne nuk e shuajmë funksionin e komisionit se në fund fare kodi zgjedhor aty do miratohet.

Zbutja e retorikës para vendimit të negociatave dhe pas tërmetit të 26 nëntorit u lexua si zbutje qëndrimi në krahun kundërshtar, por nënkryetari demokrat Edi Paloka mohon dhe flet për qëndrim të detyruar.

Paloka: Dy armëpushime të detyruara, por jo paqe me Ramën. Kishim krize politike dhe jemi para një krize humanitare, janarin se shoh ndryshe vetëm si përballje me këtë qeveri.
Në janar pritet që opozita të mbledhë strukturat për të vendosur për aksionin e ri politik.