Ndërron jetë në spital nga gripi 33-vjeçarja!

Një ngjarje e rëndë ka ndodhur para dy ditësh në Durrës, ku një 33 vjeçare ka humbur jetën në spital.

Mësohet se viktima është identifikuar si Romina Myftiu, ndërsa ishte paraqitur në spital me grip dhe temperaturë të lartë.

Sipas dëshmive të familjarëve e reja është dërguar në spital në datën 7 janar për të marrë ndihmën e nevojshme mjekësore, e cila është shtruar në reanimacion pasi gjendja e saj ka qenë e rëndë.

Nuk dihen ende shkkaqet e vdekjes së të resë, ndërsa Spitali i Durrësit ka marrë monstrat e nevojshme të gjakut për të bërë analizat dhe për të hedhur dritë mbi shkaqet e vërteta të vdekjes së saj.