Krim makabër në Paskuqan, kunati vret kunatën me shkop druri, dëshmia e tmerrshme e nënës së viktimës

Një ngjarje e rëndë ka ndodhur në një familje në Paskuqan, ku pas një konflikti kunati ka qëlluar për vdekje kunatën e tij.

Eredet Çapoku (në foto) ka goditur me sende të forta kunatën e tij, 30-vjeçaren Enkeleda Çapoku, duke e lenë këtë të fundit të vdekur në vend.

Policia bën me dije se Eredet Çapoku e ka qëlluar me shkop druri kunatën e tij dhe Enkeleda Çapoku ka ndërruar jetë prej plagëve. Viktima e ka denoncuar para 6 muajsh në komisariatin e Kamzës pikërisht të kunatin, Eredet Çapokun dhe policia i ka komunikuar këtij të fundit të qëndrojë larg Enkeleda Çapokut.

Autori ishte një person problematik në zonën e Paskuqanit dhe njihej si përdorues i alkoolit. Ai ishte përfshirë shpesh në zënka me persona të ndryshëm.

Kanë qenë të afërmit të cilët kanë njoftuar policinë për vrasjen dhe i kanë treguar detajet. Fill pas kësaj Policia ka shpallur në kërkim autorin e vrasjes Eredet Çapokun.

Nëna e viktimës ka rrëfyer detaje tronditëse nga krimi monstruoz. ‘Erdhi shqeu deren, Enkeleda bërtita, erdhi Erdeti na vrau’.

“Burrin e kishte në burg. Unë flija këtu të goca, se shtëpinë time e kam në kat të parë, dhe flija këtu me gocat, se ajo e kishte vajzën 18 vjeç e nuk e lija vetëm.

Ky maskarai herë pas herë dilte i bënte presion. Se pati ndejtë një kohë këtu te ne, pastaj goca e nxori me qera ke një shoqja e vet. Ajo e mbajti një vit, pastaj e nxori se nuk paguante qeranë, u mor me drogë me pisllëqe, punë e tij.

Pastaj filloi t’i dalë gocës përpara në rrugë, dilte filmonte kudo ku shkonte goca në kafe me shoqet.

Mbrëmë ka qenë duke pirë nëpër lokalet e Paskuqanit, a drogë ka pirë, ku di unë, vetëm kur erdhi, ka shqyer derën, ma futi mua në levë dhe rashë pa ndjenja, pastaj i ra me levë edhe gocës, dhe më pas i preu gocës damarët, e preu me thikë te hunda deri te faqja”, tha ajo.