213 viktima me Koronavirus/ Pamjet rrënqethëse nga Wuhan-i, të vdekurit shtirë në rrugë

Policë të veshur me kostume dekontaminimi mbërritën në vendngjarje pasi një person humbi jetën në rrugë në qytetin e Wuhan-it në Kinë. Ky qytet me 11 milionë banorë është epiqendra e koronavirusit.

Sipas Daily Mail, ekziston frika se personi humbi jetën nga sëmundja. Ai mbante veshur një maskë, kurse njerëzit e tjerë nuk i afroheshin trupit të tij.

Qyteti është izoluar totalisht dhe numri i të vdekurve nga virusi ka shkuar në 213. Organizata Botërore e Shëndetësisë e shpalli mbrëmë gjendjen e emergjencës globale për koronavirusin.

Koronavirus po përhapet me shpejtësi dhe po vijon të vrasë më ritme të larta në Kinës.

Autoritetet kanë konfirmuar se numri i të vdekurve nga ky virus ka shkuar në 213, ndërsa janë prekur më shumë se 9 700 persona, të cilët po marrin trajtim në spitale.
Deri më tani janë 20 vende jashtë Kinës që kanë raportiar se kanë shtetas të prekur me Koronavirus.

Në Wuhan ku edhe shpërthei virusi numërohen 204 të vdekur, ndërsa 42 persona të vdekur janë në Hubei.

Kujtojmë që mbrëmë Organizata Botërore e Shëndetësisë ka shpallur emergjëncen globale nga virusi për arsye se virusi është përhapur në shumë vende jashtë Kinës.