Qytetarët në protestë para hotelit në Tiranë ku u takua Rama me Vuçiç

Qytetarë të shumtë nga Tirana, Maqedonia e Veriut dhe Kosova protestuan pranë vendit ku uzhvillua takimi informal mes Kryeministrit Edi Rama, Presidentit Aleksandar Vuçiç dhe Kryeministrit maqedonas, Zoran Zaev.

Me dhjetra forca policore janë angazhuar dhe kanë rrethuar zonën ku u zhvillua takimi, një hotel shumë pranë Kryeministrisë dhe zyrave të Kryesisë së Kuvendit.

“As nuk u mor vesh kur hyri te Rogneri, as nuk u mor vesh kur doli nga Rogneri, pasi erdhi dhe iku si mi. Vuçiç i ka duart të lyera me gjak, jo vetëm të shqiptarëve.

Edhe sot kur të shkojë në koncertin e bamirësisë, apo nesër kur të shkojë në Durrës te banesat e shqiptarëve të prekur nga tërmeti, ata do ta kenë shumë të qartë se në prag të shtëpisë i ka shkuar një kriminel lufte”, tha Abazi, ndërsa me një grup qytetarësh protestonin para vendit ku u zhvillua takimi informal.

vv 1