Presidenti: Parlamenti ka vetëm 82 deputetë të ligjshëm, do të zbatoj Kushtetutën

343

Presidenti Ilir Meta deklaroi se Parlamenti ka të ligjshëm 82 deputetë, përfshi këtu edhe ato 3 të PD dhe LSI që nuk pranuan dorëzimin e mandateve.

Meta theksoi mbrëmjen e sotme në “Open” se, në bazë të Kushtetutës, parlamenti duhet të ketë 140 deputetë, dhe jo 82 apo 100.

“Kini parasysh se zëvendësimi i mandateve u bë në shkelje të hapur të procedurave”, tha Meta.

Ai tha se do të zbatojë Kushtetutën, ndërsa shtoi se Presidenti përgjigjet vetëm para Kushtetutës dhe popullit shqiptar.