Rama përmes Pjetrit do kontrollonte rrugën e drogës në Ballkan që kalon nga Shkodra

79

Kryetari i opozitës, Basha ka treguar edhe arsyen se përse Rama ka emëruar në krye të Bashkisë së Shkodrës trafikantin e drogës, Valdrin Pjetri. E gjitha ka qenë një skemë e mirëmenduar në funksion të trafikut të drogës. Basha deklaroi se përmes emërimit të Pjetrit në krye të Bashkisë, Rama synonte të kontrollonte rrugën e drogës në Ballkan që kalon përmes Shkodrës.

Kryetari i opozitës, Basha denoncoi sot një tjetër skandal të lidhjeve të forta të Ramës me klanin e drogës së Valdrin Pjetrit. Basha deklaroi se ishte pikërisht Rama që inaugroi hotelin e drogës së vëllait të Valdrin Pjetrit në Tiranë. Basha tha se përcatimi i Valdrin Pjetrit si kryebashkiak në Shkodër ka pasur si qëllim kontrollin e të gjithë rrugëve të drpogës që kalojnë nga qyteti i Shkodrës.

Pjesë nga deklarata e Bashës
Zgjidhja që kishte Edi Rama për Shkodrën ishte tTë bënte qytetar të parë të Shkodrës një trafikant droge, një kryebashkiak të krimit. T’u vinte në krye shkodranëve një 6 përqindësh, kryebashkiak të pakicës së pakicës. Sot ka një përpjekje të shfrenuar për ta shitur Valdrin Pjetrin.

Rama i pari e shiti menjëherë dhe sot ka lëshuar mercenarët në media që ta sulmojnë. Janë ata që i bënë propagandë Shkodrës me muaj , ata që i hynë me dhunë Shkdorës për t’i imponuar Valdrin Pjetrin, sot, befas, kanë zbuluar se Valdrini nuk qenka më i denjë për Shkodrën.

E gjithë propaganda e Edi Ramës po përpiqet ta trajtojë këtë një problem individual, si mungesë inteligjence e një njeriu që desha t’ia hidhte Ramës dhe popullit. Në fakt i padenjë për Shkodrën dhe për gjithë Shqipërinë është Edi Rama. Ai që po përpiqet t’ia hedhë Shkodrës dhe gjithë Shqipërisë është Edi Rama Valdrinin e çoi në Shkodër Edi Rama, duke e ditur se kush isht edhe vëllai i tij, duke inaugurar hotelin e drogës.

Dhe me qëllimin që ai të garantonte trafikun e drogës dhe të qenieve njerëzore në rrugën e Ballkanit e cila kalon përmes Shkodrës për Valdrinin, Edi Rama hyri në Shkodër i armatosur me forca speciale. Për Valdrinin, Edi Rama ishte i gatshëm të fuste Shkdorën në përplasje civile për Valdrinin, Edi Rama e provokoi Shkdorën me një 2 prill të dytë. Edi Rama e dinte shumë mirë kush ishte Valdrini, por atij i duhej pikërisht Valdrini në Shkodër, siç e tha pak ditë më parë si kryetar i bashkise dhe si drejtues politik në Shkodër.