PD thirrje qytetarëve: Rama po provokon dhunë, sfidojeni atë duke…

Nënkryetari i PD, Edi Paloka u bëri thirrje qytetarëve të mos bëhen pjesë e farsës qeveritare për votime dhe të shmangin dhunën që po provokon Rama.

“Rama ka kthyer dhunën shtetërore që mishëron procesin kriminal antikushtetues.

Dibra është prova më e e qartë e dhumës shtetëtore.

Policë me maska, me uniforma dhe uniforma të përziera për të terrorizuar qytetarët e Dibrës dhe të detyruar ata të shkojnë në votime moniste.

Mbrëmjen e djeshme nuk ka ndodhur asgjë nga ato që policia politike e Lleshaj pretendon ka pasur vetëm protestues paqësor në të drejtë të tyre për të kundërshtur votimet moniste.

E vetmja në paligjshmëri ka qenë policia.

Dëshmia e infermieres kurajoze hedh poshtë propagandën luftënxitëse të Lleshaj.

Infdermierja tha të vertetën se policët nuk janë të lënduar nga protestuesit por nga gazi i vetëm policëve

Pra edhe njëherë rezulton qartazi se ka mashtrim nga Sandër Lleshaj dhe Edi Rama për të provokuar dhunë

Policia me armatim ushtarak kanë ndërhyrë si banditë në familjen Kaloshi në Dibër duke dhunuar në orën 3 të mëngjesit disa anëtarë të kësaj familje, duke u treguar barbarë edhe ndaj grave të kësaj familje.

Arsyes ja është se familja Kaloshi janë kundërshtarë politikë të Edi Ramës.

Refuzojeni Edi Ramën, Bojkotojeni Edi Ramën dhe sfidojeni mos dilni në votime farsë, filmoni çdo dhunë, falsifim, të bashkuar në jemi forca e bashkimit që po vjen”, u shpreh Paloka.

DEKLARATË E PARTISË DEMOKRATIKE, NËNKRYETARI EDI PALOKA

• Dibra është prova më e qartë e dhunës shtetërore. Policë, forca speciale të ushtrisë me maska, pa identifikim, kanë dhunuar e terrorizuar gjatë natës qytetarët.

• Dhuna shtetërore në Dibër organizohet nga e njëjta bandë shtetëroro-kriminale që ka dalë në përgjimet e BILD-it, duke blerë vota, duke kërcënuar dhe dhunuar qytetarët, duke penguar votën e kundërshtarëve

• Partia Demokratike fton çdo qytetar të mos bjerë pre e provokimeve të Edi Ramës: Filmoni, regjistroni, fotografoni dhe denonconi çdo dhunim, presion, fallsfikim, mashtrim që regjimi i tij bën.

Regjimi në ikje e Edi Ramës e ka kthyer dhunën shtetërore në mjetin kryesor që mishëron procesin kriminal, anti kushtetues dhe antiligjor të 30 Qershorit.

Dibra është prova më e qartë e kësaj dhune shtetërore. Policë, njerëz mer maska dhe uniforma shteti, por pa identifikim, si dhe forca speciale të ushtrisë me uniforma të përziera janë bërë njësh për të dhunuar, për të terrorizuar qytetarët e Dibrës dhe për t’i detyruar ata të dalin në votimet moniste dhe të paligjshme, të organizuara nga Edi Rama.

Mbrëmjen e djeshme nuk ka ndodhur asgjë nga ato që policia politike e Edi Ramës dhe Sandër Lleshajt mashtroi. Ka patur vetëm protestues paqësorë në të drejtën e tyre kushtetuese për të kundërshtuar rikthimin e diktaturës në vend.

E vetmja që ka qenë në paligjshmëri, ishte policia, e cila ka goditur me gaz lotsjellës protestuesit paqësore.

Dëshmia e infermieres kurajoze nga Dibra, rrëzon poshtë propagandën dhe mashtrimet luftënxitëse të Sandër Lleshajt dhe Edi Ramës. Infermierja tha të vërtetën se policët nuk janë lënduar nga protestuesit paqësorë, por nga vetë kolegët e tyre.

Video INFERMIERJA

Në dhunim të rëndë të ligjit, policia dhe forca të paidentifikueshme, të pajisura me armatim ushtarak dhe jo policor, kanë ndërhyrë si banditë në familjen Kaloshi në Dibër, duke arrestuar dhe dhunuar në orën 03.00 të mengjesit disa anëtarë të kësaj familjeje.

Ata kanë goditur me gaz lotsjellës dhe janë treguar barbarë kundër grave dhe fëmijëve, duke i goditur dhe duke i ndaluar të marrin menjëherë ndihmën e shpejtë.

Arsyeja e vetme e kësaj dhune shtetërore dhe kriminale është se anëtarët e familjes Kaloshi janë kundërshtarë politikë të regjimit të Edi Ramës.

VIDEO KALOSHI

Dhuna shtetërore në Dibër organizohet nga e njëjta bandë shtetëroro-kriminale që ka dalë në përgjimet e BILD-it, duke blerë vota, duke kërcënuar dhe dhunuar qytetarët, duke penguar votën e kundërshtarëve.

Në vend që Imer Lala, Dionis Imeraj, Robert Aga dhe banditë të tjerë të ishin pas hekurave të burgut për shkatërrimin e proecit zgjedhor të Dibrës, ata janë janë të lirë dhe po organizojnë farsën e së dielës dhe dhunën shtetërore për llogari të Edi Ramës.

Imer Lala, Dionis Imeraj, Robert Aga dhe banditët me apo pa uniformë, me apo pa maska janë simbolet e Edi Ramës për 30 Qershorin në Dibër.

Qytetarët nuk pranojnë kurrë dhunën shtetërore të Edi Ramës, që për karrigen e tij, është gati të shkatërrojë gjithçka.

Shqiptarët janë gati të reagojnë si qytetarë europianë kundër instalimit të një diktature të re në Shqipëri.

Edi Rama kërkon viktima ndaj nxit konflikt me dhunën shtetërore dhe banditeske kundër qytetarëve të pafajshëm.

Por ne nuk duhet të lejojmë që asnjë fije floku i asnjë shqiptari të preket për t’i zgjatur jetën këtij regjimi në grahmat e fundit.

Partia Demokratike fton çdo qytetar të mos bjerë pre e provokimeve të Edi Ramës.

Refuzojeni Edi Ramën!
Braktiseni Edi Ramën!
Bojkotojeni Edi Ramën!

Sfidojeni dhe mos ju përkulni presionit të tij për të dalë në votimet farsë!

Filmoni, egjistroni, fotografoni dhe denonconi cdo dhunim, presion, dhunë, fallsfikim, mashtrim që regjimi i tij bën.

Të bashkuar ne jemi shumica, ne jemi forca dhe garancia e ndryshimt që po vjen!