Gafa e rëndë e Rudinës në Parlament: Në Letoni u vranë 3 ushtarakë shqiptarë

Të thuash që është e painformuar, është pak! Deputetja dhe kryesuesja e opozitës së re Rudina Hajdari ka bërë sot në Kuvend një gafë të pafalshme, teksa ka thënë se në Letoni humbën jetën 3 ushtarakë shqiptarë.

Pavarësisht se u kundërshtua nga kolegët e saj socialistë, Hajdari isistonte me të vetën: Kanë humbur jetën 3 persona, mund tiua them emrat! Pas kësaj dhe një momenti pauze, ajo e rimorri veten duke thënë se 1 prej ushtarakeve kishte humbur jetën, dhe dy të tjerët ishin plagosur.

Gafa e pafalshme duket që e bëri deputeten në një moment të linte edhe fjalën në mes, po insistimi i Gramoz Ruçit, ”mund të vazhdoni zonja Hajdari!”, bëri që ajo të vijonte.

Në një kohë kur ngjarja e Letonisë tronditi të madh dhe të vogël në Shqipëri, duket se deputetja Hajdari ka qenë e painteresuar për fatin e ushtarakëve, e megjithatë ajo beson se ka në dorë opozitën e shëndetshme të vendit.

Kujtojmë se nga shpërthimi në Letoni humbi jetën nëntetare Zarife Hasanaj, ndërsa mbetën të plagosur major Klodian Tanushi dhe reshteri Julian Kapaj.