Deklarata e fortë e Presidentit: Reforma në drejtësi një formë e re e kapjes së sistemit…

Presidenti Ilir Meta ka zhveshur petakun e politikanit diplomat këtë të mërkurë, në fjalën që mbajti në konferencën me temë: “Sfidat e Sigurisë në Ballkan dhe roli i aktorëve të jashtëm në kohën e tranzicionit euroatlantik”. Pjesëmarrës ishin edhe ish-presidenti Bujar Nishani, Ahtifete Jahjaga, ministrja e Mbrojtjes Olta Xhaçka, por dhe kolonel nga NATO.

Kreu i shtetit u shpreh mes të tjerash se reforma në drejtësi është një formë e re e kapjes së sistemit si dhe se parlamenti ka qenë jofunksional edhe para se opozita ta bojkotonte. Për këto, Meta bëri me faj aktorët e politikës vendase si dhe ndërkombëtaret.

Bashkimi Shqipëri-Kosovë – “Unë marshallist nuk jam, por kam gruan marshalliste dhe besoj se ajo do i përdor shumë mirë ato që ka mësuar. Dëgjoj shpesh të thonë pse të mos bashkohen shqiptarët, po natyrshëm vjen pse mos të bashkohen dhe gjithë serbët, gjithë kroatët apo dhe boshnjakët. Këto janë delirime të politikanëve që flasin me heroizma dhe me nacionalizma të politikanëve që duan të shmangen nga përgjegjësitë e tyre të brendshme”.

Parlamenti jo funksional

“Në vitin 2008 kishim një Kushtetutë me balanca dhe kontrolle, por për dy ditë atë kushtetutë e zhbënë dhe nga një republikë parlamentare sot kemi sërish republikë por është partiake. Prandaj kemi arritur këtu ku jemi sot në një krizë të thellë. Ai parlament ka qenë jo funskional dhe para djegies së manadateve të opozitës dhe tani që opizita nuk është në Kuvend”, tha Meta.

Reforma në drejtësi

“Kam 3 vite e kam shmangur të flas për reformën në drejtësi. Nuk do them nëse është sukses apo dështim, por nëse do ishte sukses, Shqipëria nuk do të ishte asnjë minutë pa Gjykatë Kushtetuese. Kur isha kryetar Kuvendi, thashë po, Vetting për të gjithë, por kujdes se nuk duhet të cënohet funksionimi i insititucioneve. Gjykata Kushtetuese, me përjashtim të disa individëve ka histori pozitive. Reforma bëhet me standarte, jo me retorikë apo me emra. Janë forma të reja të kapjes së institucioneve. Ndalemi tek Gjykata, se s’jam i qetë pa e ndarë këtë merak me ju. Në dhjetor të 2016, mora një iniciativë për ndarjen e shortit të KED. Është institucioni kryesor, kam bërë përpjekjet më të mëdha, që kjo të ishte gjëja më e mirë. Herën e dytë, si president, asnjë s’mbante përgjegjësi, përfshirë edhe partnerët ndërkombëtarë. Kam kërkuar angazhimin e EURALIUS, për të parë ecurinë e Reformës në Drejtësi. Kam folur hapur, dua të hedh shortin, por ne e dimë shumë mirë çfarë ndodhi një vit më parë. Të shohim çfarë po ndodh, të unifikojmë një qendrim të përbashkët, pasi jemi në një situatë ekstra ligjore.

Po të jetë për debate, unë ia kaloj parlamentit, se është përgjegjësi e tyre, dhe ditën e fundit, EURALIUS na kthen përgjigje që ne nuk vimë dot në takim pasi jemi mision teknik. Pra, mision teknik, me porosi politike. Akoma nuk dihet kush e dha atë porosi. Unë jam presidenti, më duhet të di porosia. Si e jep EURALIUS, një vërtetim për një kryetar Komisioni në kundërshtim me reformën në drejtësi. Reforma do të jetë e suksesshme kur të ketë më shumë investime”.