Basha takim madhështor me emigrantët në Angli, shpërthen salla: Rama ik!…

Kryetari i Partisë Demokratike dhe i opozitës, Lulzim Basha u prit me entuziazëm nga komuniteti shqiptar i Britanisë së Madhe. Salla ku zhvillohet takimi në Londër u pushtua nga thirrjet “Rama ik, Rama ik”.

Edhe nga Londra ka ardhur sërish i njëjti mesazh për kryeministrin Edi Rama, që ai të largohet sa më parë.

Basha u shpreh se beteja që ka nisur opozita në Shqipëri synon fundin e tranzicionit 30-vjeçar në vend.

“Rrugëtimi që kemi nisur do t’i çojë shqiptarët drejt një ndryshimi historik kudo që ata jetojnë. Kjo përbën një frymëzim për mua, PD dhe opozitën shqiptare. Ka një padurim më të madh që ndryshimi të vijë një orë më parë.

Ka një shpresë e madhe se ajo që po vjen nuk është thjesht një ndryshim politik i rradhës, por mbi të gjitha fundi i një tranzicioni prej 3 dekadash. Ardhja e standarteve britanike të drejtësisë, të mundësive për të gjithë dhe mirëqënies së garantuar prej punës së ndershme dhe konkurrencës. Kjo është beteja që bëjmë sot”, u shpreh Basha.

Para se të niste bashkëbisedimin me shqiptarët, emigrant në Britaninë e Madhe, Basha përcolli një mesazh live nga Londra.

“Në vijim të vizitës time në Parlamentin britanik dhe instuticionet e qeverisë britanike, ndodhem sot në takimin më të bukur, në takimin me bashkëatdhetarët tanë, të cilët e kanë mbushur plot këtë sallë. Janë mbledhur të lajmëruar në një kohë shumë të shkurtër, por nuk mungon entuziazmi dhe shpresa  për ndryshimin që po vjen.

Do të zhvillojmë një bashkëbisedim jo vetëm për takimet e mia në londër, por edhe për të diskutuar problematikat dhe zgjidhjet për qytetarët tanë në emigracion”, u shpreh Bashan ë komunikimin e tij live ku përcolli edhe entuziazmin e jashtëzakonshëm të emigrantëve shqiptarë.

auto bash1558118771

Screenshot 25 9