Zbulohet dokumenti/ Torturat çnjerzore të hetuesit të ish-Sigurimit Bujar Sheshi, sot anëtar i KLP

Kryetari i Shoqatës Antikomuniste të ish-të Përndjekurve, Nebil Çika ka publikuar dokumentin e anëtarit të Këshillit të Lartë të Prokurorisë, Bujar Sheshi ku ka torturuar në mënyrë çnjerëzore në hetuesi të burogsurin politik, Petraq Xhaçka.

“Deshmia e te burogsurit politik Petraq Xhaçka per tortuarat çnjerore ne hetuesi e hetuesit te sigurimit Qemal Lame, Reshat Leskaj e Bujar Sheshi, prej te cilave eshte detyruar te firmos kete dokument e te prarnoje se ai dhe koleget e tij inxhiniera nafte, ishin “agjente sevjetikë”.

Toruruesi eshte zgjedhur ne kupolen drejtuese të prokurorise KLP. Ja pse e ashtuqujatuara “reforme në drejtesi” eshte nje kapje e drejtesise nga komunistet dhe sigurimi i shtetit qe ne çdo shtet normal duhet te ishin në burg per krime kunder njerëzimit”, shkruan Çika.
Shiko fillimin e videos.

Bujar Sheshi është emëruar si anëtar i Këshillit të Lartë të Prokurorisë në kundërshtim me ligjin, pasi është bashkëpunëtor i Sigurimit të Shtetit me pseudonimin ‘Venusi’.

PD bëri të ditur para disa ditësh në një deklaratë për mediat, se në Këshillin e Lartë të Prokurorisë ka ndodhur ajo që Partia Demokratike ka paralajmëruar shumë kohë më parë, “Veting-u ka mbajtur në sistemin e drejtësisë gjyqtarë dhe prokurorë në kundërshtim me ligjin, që i shërbejnë kryeministrit për të mbajtur nën kontroll organet e reja të drejtësisë”.

“Prova më flagrante është emërimi si anëtar i Këshillit të Lartë të Prokurorisë i prokurorit të Krimeve të Rënda, Bujar Sheshi. Dokumentet zyrtarë tregojnë se ai është bashkëpunëtor i Sigurimit të Shtetit dhe për këtë fakt procedura e emërimit të tij duhet të ishte ndërprerë menjëherë. Ligji e ka shumë të qartë: një bashkëpunëtor i Sigurimit të Shtetit ndalohet të bëhet pjesë e organeve të reja të drejtësisë”, nënvizohej në deklaratën e PD.

56178634 2045808248874034 3636917081493995520 n

bujar sheshi