Studentët i thonë jo Ramës: ‘’Në takimin me kryeministrin të shkojnë FRESSH-istat që hanë sufllaqe”

Në ditën e gjashtë të protestës përpara ministrisë së Arsimit studentët e thonë me këmbëngulje se ata nuk do të pranojnë asnjë takim dhe dialog me kreun e qeverisë.
Përgjigja e tyre është e qartë se ata presin vetëm zgjidhjen e kërkesave që tashmë janë bërë publike, dhe askush prej tyre nuk mund të formojë një përfaqësi.
‘’Në takimin me kryeministrin të shkojnë FRESSH-istat që hanë sufllaqe. Protesta jonë do të jetë pa përfaqësi, kemi marrë kërcënime pas denoncimit që iu kemi bërë pedagogëve, po nuk do të ndalemi”, u shpreh për Fax News një prej studentëve.
Ndërkohë që një prej taktikave që po ndiqet sot në protestë është dhe identifikimi me emër dhe mbiemër i çdo folësi, për të mbajtur sa më larg të rinjtë e forumeve politike, që kanë tentuar që të përçajnë protestën në këto ditët e fundit.
“Ne nuk jemi për takim në Facebook dhe në Twitter, t’i mblidh qeverinë dhe plotëso 8 kërkesat që ne kemi bërë. Ne nuk bëjmë politikë, por ne jemi vetë politika”, shprehet një tjetër prej studenteve që ishte pjesë e protestës.

auto 48078907 1246704808804219 267777247966920704 n1544437542

PROTESTA 1