Paloka ‘sulmon’ Ramën: Nacionalizmi, streha e fundit e maskarenjve!

Kreyeministri Edi Rama, duke folur gjate nje seance parlamentare, ku eshte diskutuar projektligji per autoritetet e drejtimit dhe komandimit ne Forca e Armatosura te Shqiperise./r/n/r/nPrime Minister Edi Rama, speaks during a parliamentary session.

Nënkryetari i PD, Edi Paloka ka reaguar ashpër pas deklaratës së kryeministrit Rama ndaj ish-Kryeministrit Sali Berisha.
Me anë të një postimi në rrjetet sociale, Paloka shprehet se nacionalizmi është streha e fundit që i ka mbetur Edi Ramës.
“Rama eshte ilustrimi me i mire i shprehjes: “Nacionalizmi eshte streha e fundit e maskarenjve”.
Ka kaq kohe qe per te terhequr vemendjen nga skandalet qe po e mbysin, eshte gati te bej gjithshka. Se fundmi, e jo per here te pare, ka marre pozicionin e nacionalistit”, shkruan Paloka.
Sipas tij, Rama me Bularatin po përpiqet të largojë vëmendjen nga realiteti politik në vend.
“Mendon vertete se me Bularatin dhe duke i fryre zjarrit te perplasjeve nacionaliste do shpetoje Tahirin, Gjushin, Ballen dhe gjithe tufen e zhgrryer ne krim qe ka rrotull vetes.
Kete strategji e ka ndjekur dhe me heret kur me retorike shterpe pa asnje vlere per shqiptaret u shit si nacionalist qe “po ju tregonte vendin grekerve” , pastaj e mbylli per tre nete rrjesht ne hotel Bushatin me Kotziasin. Perfundimi i “nacionalizmit” te Rames; ju falen Greqise mijera kilometra katrore det perfshi dhe zonat naftembajtese. Ky eshte “nacionalizmi” i vertete i Rames, kryeministrit qe po boshatis Shqiperine nga shqiptaret”, shprehet deputeti demokrat.