“Ter Stegen është po aq i mirë sa Manuel Neuer”

Portieri i Barcelonës, Marc-Andre ter Stegen, tashmë është aq i mirë, sa bashkëlojtari i tij në kombëtaren e Gjermanisë, Manuel Neuer. Për këtë ka siguruar një nga mesfushorët më të mirë në botë, Xavi Hernandes. 25-vjeçari ka qenë i rëndësishëm në fillim të sezonit katalanas, duke pësuar vetëm shtatë gola në La Liga, ndërsa të tijtë janë nëntë pikë të qartë në krye të renditjes. Ter Stegen ka marrë përsipër zgjedhjen e parë në ekipin kombëtar të Gjermanisë, në muajt e fundit, dhe ish-ylli i Barcelonës, Xavi, beson se kampionët e botës janë ende në duart e sigurta me 25-vjeçarin. “Ai është aktualisht një nga portierët më të mirë në botë. Ai luan në një nivel të lartë, është një njeri i mirë dhe është shumë profesional, tha mesfushori ikonë për “Bild”. Kur e pashë ditën e parë te Barcelona, isha i befasuar nga cilësitë e tij si futbollist. Ai është një portier shumë i mirë, mendoj se është pak a shumë në të njëjtin nivel me Manuel Neuer”.
Gjermania është e pajisur mirë edhe në mesfushë, teksa Xavi ka lënë anash lidhjet e tij me Barcelonën dhe rivalitetin me Real Madridin, për të lavdëruar Toni Kroos, i cili mbetet i rëndësishëm për kampionët europianë të Zinedine Zidane. “Kroos është një nga mesfushorët më të mirë në këtë moment, shtoi ai. Mendoj se po e shijon kohën e tij në Madrid. Madrilenët kanë një ekip të fortë dhe Kroos është ndër lojtarët e tyre më të mirë”.