Milan mendon për huazimin e mesfushorit të Tottenham

Sipas asaj që shkruhet në shtypin europian, AC Milan mbetet i interesuar për të marrë mesfushorin e Tottenham, Mousa Dembele, kontrata e të cilit me klubin e veriut të Londrës skadon në qershor 2019. Drejtori teknik i Milan, Massimiliano Mirabelli, synon të forcojë ekipin në mesfushë dhe ka si objektiv të marrë shërbimet e Dembele, futbollist i cili është kërkuar edhe nga trajneri Gennaro Gattuso.
Milan nuk mund të shpenzojë në merkato, duke parë se ende nuk ka justifikuar 200 milionë euro të shpenzuara në verë, por Mirabelli po punon për huazimin e Dembele me të drejtë blerjeje përfundimtare në fund të sezonit për një çmim që nuk i kalon 20 milionë euro. Kuqezinjtë, që renditen në vendin e 11-të të Serie A, vazhdojnë garën në Europa League dhe në Kupën e Italisë ku kanë shkuar në gjysmëfinale.