Karteli Xhafa tek policia! Lidhjet e Jaupit me drogën

Lëvizjet në polici kanë sjellë një rrokadë të plotë të kontrollit mbi këtë organizatë. Largimi i Çakos, i njohur si besnik në kontrollin e të gjithë organizatës të drogës që drejtohej nga Tahiri dhe komandohej nga Rama ka forcuar pozitat e ministrit Xhafa. Dihet që karteli i vëllit të tij të tek droga ishte në një konflikt të fortë me kartelin e Habilajve të Tahirit.
Karteli Xhafa tani i ka duart plotëisht të lira për të kontrolluar policinë. Do të kemi një zhvendosje të qendrave të komandimit të trafikut nga Habilajt e Tahit tek Xhafaj.
Shkarkimi i drejtorit të Përgjithshëm të Policisë së Shtetit, Haki Çako dhe komandimi i Rebani Jaupit në vend të tij është bërë me qëllim që klani i ministrit të Brendshëm, Fatmir Xhafa të marrë në dorë policinë. Duke qenë në krye të Policisë së Shtetit një njeri i besuar i Xhafajt, klani i tij do ta ketë më të lehtë për të zhvilluar trafikun e drogës drejt Italisë. Vëllai i ministrit të Brendshëm, Gon Xhafaj njihet si një trafikant droge, por tani që në krye të Policisë së Shtetit do të jetë Jaupi, ai do ta vijojë pa asnjë problem këtë trafik.
Rebani Jaupi njihet si një nga drejtuesit e policisë të përfshirë në trafikun e drogës drejt Italisë. Ai është akuzuar publikisht nga oficerë policie dhe qytetarë nga Vlora për përfshirje në trafikun e drogës, por edhe për marrje ryshfeti.
Ish-Kryeministri Berisha ka publikuar në faqen e tij sociale Facebook disa denoncime të bëra nga oficerë të policisë së Vlorës si dhe qytetarë të këtij qyteti. “Noriega zëvendëson narko-drejtorin e Saimir Habilajt, Çakon me narko-drejtorin e përkohshëm të Gon Xhafës, Jaupi!
Lexoni mesazhet që qytetarët dixhitalë kanë dërguar për famozin Jaupi, trafikat, ryshfetaxhi, ushtar i krimit etj., etj”, shkruan Berisha.
“Përshëndetje Doktor, unë që po të shkruaj jam një oficer policie në Drejtorinë e Vlorës. Dua të denoncoj në lidhje me zhdukjen e shtetasit Adriano Jaho dhe ndihmësin e tij Ariseld Maze. Të dy këta persona janë skafista dhe merren me transport droge (hashash) nga Shqipëria në Itali, ku nisen gjithmonë nga Vlora nën mbështetjen e policisë. Adriano Jaho ka hotel Europën në Vlorë, njihet me pseudonimin Toshi. Të dy këta persona Toshi i Europës dhe Ariseld Maze të cilët raportohen të humbur nga dt 3 korrik, ku policia thotë që janë nis nga Durrësi nuk është e vërtetë. Të dy këta persona, pasi kanë ngarkuar skafin me 2 ton hashash tek kanali në Orikum me ndihmën e Policisë Kufitare të Vlorës janë nisur për ta çuar në Itali. Pasi kanë ecur për rreth 45 min ata kanë pasur probleme me skafin, ju kanë kërkuar ndihmë miqve të tyre që të kthehen, por policia nuk i ka lënë të kthehen, pasi ata e kishin bërë punën e tyre, ku kanë marrë 30 mijë euro dhe po të ktheheshin do ju hapnin probleme, pra është vet policia që i ka vrarë me dorën e vet këta dy trafikantë. Droga në skaf ka qenë e Gonit vëllait të ish ministrit Xhafaj dhe një personi tjetër Gjergji. Goni dhe Gjergji kanë miqtë e tyre në Policinë Kufitare të Vlorës, të cilët sigurojnë nisjen e skafeve. Ata jane drejtori i Kufirit, Luan Hyseni dhe shefi i Triportit, Adi Ceka. Adi Ceka ka lidhje të shumta me trafikantët ku pa ndihmën e tij nuk lëviz dot asgjë. Të dy si Adi dhe Luani janë miq të ngushtë të Rebani Jaupit dhe Sokol Bizhgës dhe me pëlqimin dhe miratimin e Gonit të Xhafës janë aty.
Po kështu këta të dy Adi dhe Luani më dt. 19 maj 2017 kanë nisur Toshin e Europës me një gomone me 2.2 ton hashash e cila u gjet e braktisur në brigjet italiane, dhe kjo ngarkesë ka qenë e Gonit të Xhafës dhe Gjergjit, por Rebaniu e fsheh këtë!
Të lutem ruaj anonimitetin Doktor se këta nuk tallen të heqin qafe”.

“Rebani Jaupi i po na nxjerr privatisht të mbajmë në vëzhgim prokurorët”

“Zoti Berisha përshëndetje të përzemërta për të gjithë të mirat që po bën në luftën kundër kriminelëve. Jam një agjent i Forcave Operacionale të Drejtorisë së Përgjithshme.
Doja të denoncoja dhe 1 fakt të ri me urdhër nga lart, shefi Bujar Ahmeti tepelenas dhe ushtar i Rebani Jaupit i betuar me urdhër të tij po na nxjerr privatisht të mbajmë në vëzhgim prokurorët dhe deputetët e opozitës pa asnjë procedim penal me shkrim dhe autorizim.
Gjithashtu po përdoremi kundra kundërshtarëve të tyre politik në shumë operacione gjithashtu ai ka grupin e tij me oficer Klod Cenaj që hanë e pinë bashkë dhe marrin dietat e karburantet, kurse ne të tjerët ngrohemi në diell as lekët e dietave nuk na i japin të sakta ju lutem publikoje anonim se na marrin jetën këta gjakpirësa”.
“Prsh doktor. Zv/drejtori Përgjithshëm i Policisë së Shtetit, Rebani Jaupi bën shoë në Velipojë për dy ndërtime kolibe shkarkon gjithë efektivët e policisë dhe në aksin kryesor të veriut në anë të rrugës para mbikalimit në Fushë Krujë merr 10 mijë euro për të vazhduar ndërtimin pa leje të një biznesi pllakash! Fillimisht i dërgoi shefin e Komisariatit të Krujës t’i bënte presion dhe i bën nja 2 letra për në Prokurori dhe më pas i morën 10 mijë euro të vazhdojë ndërtimin megjithëse akoma janë letrat në Prokurori.
Ja dhe fotot ku janë veç të lutëm anonim se na heqin prej pune këta! Disa herë janë ankuar tek komisariati digjital banorë të zonës se biznesin nuk e ka as në tokë të vet, po aty vazhdohet puna me ritme të shpejta se ka marrë ok e drejtusit të Komisariatit të Krujës, pasi ka dhënë eurot”.

Status i datës 15 korrik 2017

Të reja skandaloze për ngarkesën prej 30 tonësh drogë që u kap në Lakatund
Të implikuar klani Xhafa dhe drejtues kryesorë qendror dhe lokal të policisë
Oficeri dixhital informon:
Hashashi i kapur parmbrëmë në Llakatund është mbi 30 ton.
Ai i përket klanit Xhafa dhe drejtuesve të lartë të policisë, Nallbati, Rebani, Jaupi dhe Aldos, shef i Krimeve të Fierit!
Grupi i tyre po përgatitet për të marrë përsëri malon, pasi të djegin vetëm një sasi të vogël.
Lexoni mesazhin e oficerit dixhital! sb
“Përshëndetje Doktor, unë që po të shkruaj jam një oficer policie në Drejtorinë e Vlorës. Dua të denoncoj në lidhje me ngjarjen e ndodhur parmbrëmë në Vlorë ku janë kapur rreth 30 tonë hashash nga policia. Këtë ngjarje kreret e Policisë së Shtetit po mundohen ta fshehin lidhur me autorët e saj. Hashashi i kapur në Llakatund nuk ju përket Habilajve, informacioni i nisur tek ju ka qenë për dizinformim dhe për të fshehur gjurmët, sepse hashashi i përket shtetasve Kreshnik (Niku), vëllait të tij Ervinit, Gonit vëllait të ministrit Xhafa, Aldos shefit të Krimeve Fier, ish-drejtorit të Policisë së Fierit, Neritan Nallbati dhe zëvendës/drejtorit të Përgjithshëm Rebani Jaupi. Pjesa më e madhe e hashashit ka qenë e mbjellë vjet në zonën e pyllit të Hoxharës e Darzezës nga Renato, Kreshniku, Ervini dhe Goni, këta kishin mbështetjen e drejtorit Neritan Nallbati, Rebani Jaupi dhe Aldos, 30% e mallit të kapur i përket Neritanit, Rebaniut dhe Aldos. Dje pas operacionit, Rebaniu nuk ishte entuziast për rezultatin po i pikëlluar. Këta po organizohen për ta martë mallin ku do të djegin vetëm një sasi të vogël, këtë gjë e them pasi e kam dëgjuar nga njerëz të tyre të besuar.
Kreshniku me Gonin kanë një organizatë kriminale të sofistikuar në Vlorë dhe në Fier, ata janë të lidhur ngushtë me Policinë e Kufirit Vlorë, Policinë e Rendit Vlorë dhe Fier, ku disa emërime të rëndësishme në rang drejtusish i kanë bërë vet ata me ndihmën e ministrit Xhafa për mbarëvajtjen e trafikut të tyre të drogës në Shqipëri, Itali dhe Greqi.
Dy skafe janë mbytur në det me nga dy persona ku në të dyja rastet ka qenë malli i Gonit të Xhafës.
Rasti i fundit është ai i datës 03.07.2017 ku janë zhdukur dy persona, ndërsa rasti tjetër ka ndodhur disa muaj më parë në fillim të këtij viti në muajin mars, ku u gjet një skaf me drogë në Karaburun i përplasur, ndërsa dy trupat u gjetën në kohë të ndryshme të mbytur në dete, në këtë rast malli ka qenë i Gonit të Xhafës dhe vëllezërve nga Llakatundi, Kreshnik dhe Ervin, ky grup dhe atëherë si në rastin e fundit bashkë me policin nuk i ka lënë personat të kthehen mbrapa, pasi ata kanë thënë se ka shumë det dhe kishin probleme me skafin, këta ju kanë thënë vazhdoni për në Itali nuk ka kthim mbrapa dhe u mbyt Mania me ndihmesin e tij.
Goni Xhafës ka lidhje me klanet më të forta siçiliane dhe kalabreze në Itali, pasi Goni ka qenë i dënuar me 12 vjet burg në Itali për trafik ndërkombëtar droge”.