Inspektori i policisë i emëruar nga Tahiri kërcënon qytetarët

Një inspektor i Komisariatit Nr.5 në kryeqytet, i cili shfaqet haptazi si mbështetës i Partisë Socialiste, ushtron presion ndaj qytetarëve. Denoncimi është bërë nga një qytetar, i cili i është drejtuar me një mesazh ish-Kryeministrit Berisha. Qytetari shkruan se inspektori Ben Zalla mban në Facebook si foto profili ish-diktatorin Enver Hoxha dhe foto me Saimir Tahirin. Zalla mban një makinë me xhama të zeza dhe u bën presion qytetarëve në zonë.
“Ja narko-policia që duam!
Qytetari dixhital denoncon:
Narko-inspektorin e policisë që mban në profil të FB foton e kryexhelatit, Hitlerit të shqiptarëve, Enver Hoxhës!!”, shkruan Berisha.
“Përshëndetje z.Berisha, po të dërgoj foton e inspektorit të Komisariatit Nr.5 në Tiranë, Ben Zalla. Në profil mban diktatorin. Bën presion nëpër zonë, me makinën me xhama të zinj”, shkruan qytetari.