Dembele nuk është gati

Ousmane Dembele bëri paraqitjen e tij të parë në 110 ditë, duke dalë nga pankina për 20 minutat e fundit të ndeshjes së Kupës së Mbretit, Celta Vigo-Barcelona, 1-1, të enjten. Pione Sisto “anuloi” avantazhin hapës të Jose Arnaiz, për ta lënë kualifikimin hapur për ndeshjen e dytë, atë të kthimit, në të cilën Dembele ka gjasa të përfshihet përsëri në formacion. Por, Valverde, i cili e përdori Dembelen në një rol qendror, me Luis Suarez dhe Lionel Messin, do të presë për aktivizimin fillestar të blerjes 105 milionë euroshe të Barcelonës.
“Dembele luajti në një pozitë, ku u lirua nga detyrimet mbrojtëse, të cilat ishin paksa stresuese në atë kohë të ndeshjes”, tha Valverde për ndryshimin e pozitës së Dembele. “Duke e ditur se kjo ishte ndeshja e parë e këtij lojtari pas pothuajse katër muajve pa luajtur, unë preferova që ai të ishte në një pozicion ku mund të mësohej gradualisht me lojën. Ne duhet të merrnim parasysh se ritmi i një ndeshjeje të tërë, edhe kundër një ekipi të divizionit të parë, do të ishte e tepruar për Dembele”, tha ai.