Ambasada e SHBA: Mirëpresim vendimin e KQZ

Ambasada e SHBA në Tiranë mirëpret vendimin e djeshëm nga KQZ për t’iu hequr mandatet Aqif Rakipit dhe Gledion Rehovicës. “Ky vendim është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri”, thuhet në reagimin e ambasadës së SHBA. KQZ vendosi dje me 5 vota pro ndërprerjen e mandatit për dy ligjvënësit, njëri i PDIU-së dhe tjetri i LSI-së, pas kërkesës së Prokurorisë së Përgjithshme, në kuadër të zbatimit të ligjit të dekriminalizimit. Prokuroria pretendon se dy ligjvënësit përmes identiteteve të rreme janë ndaluar në Itali nga policia e vendit fqinj me akuzën e vjedhjes, ndërkohë që nuk kanë pasqyruar në formularin e dekriminalizimit ngjarjen në fjalë.