Milan magjik, mposht 4-0 Bayern Munich

Kuqezinjtë nuk dhurojnë spektakël vetëm në merkato, një gjë të tillë kanë arritur ta tregojnë edhe në takimin e radhës miqësor në “International Champions Cup”, përballë Bayerni të Mynihut. Fitore shumë e rëndësishme përballë kampionëve të Gjermanisë, me rezultatin e thellë 4-0. Formacioni i Vicenzo Montella nuk vonon shumë të gjejë golin e epërsisë në minutën e 14, pas një krosimi në zonë nga ana e Ricardo Rodriguez, Kessi arrin të dërgojë topin në fundin e rrjetës. Më pas është i riu Crutone, ai që kujdeset për të thelluar akoma edhe më shumë avantazhin me një dygolësh, me minutën e 25 dhe të 43.
Bavarezët tentojnë të reagojnë, por misioni duket thuajse i pamundur, pasi kundërshtari që ka përballë ruan mirë ekuilibrat në fushë. Vulos fitoren me një gol spektakolar nga një distancë prej 30 metrash, Hakan Calhanoglu. Ndërkohë në takimin ndaj Bayernit debutoi me fanellën e Milanit dhe dy blerjet më të reja të klubit italian, Leonardo Bonucci dhe Lucas Biglia. Pas humbjes ndaj Bourssia Dortmund, kuqezinjtë kanë arritur të reagojnë shpejt përballë një kundërshtari të vështirë edhe një takimi miqësor, Milani me të drejtë mund të fillojë të ëndërrojë për sezon fantastik.