Interi “bllokon” talentin 18-vjeçar

Andrea Pinamonti ka firmosur rinovimin e kontratës me Interin deri në vitin 2021. Zyrtarizimi është bërë i ditur nga klubi zikaltër. “Interi është i lumtur që t’iu komunikojë se Andrea Pinamonti do të jetë zikaltër deri më 30 qershor të 2021-shit”, thuhet në komunikatën zyrtare. 18-vjeçari i vlerësuar si një nga talentet e ardhshëm të repartit të avancuar në Itali, firmosi për klubin zikaltër 2 ditë pas ditëlindjes së tij.