Danilo në “orbitën” e Interit

Pas një viti aspak të mirë, Interi ka nisur punën për projektimin e sezonit të ri, ku objektivi parësor është rikthimi në nivelet më të larta të futbollit italian. Siç raportojnë mediat spanjolle, së fundmi zikaltërit kanë vendosur në “radarë” mbrojtësin e Realit të Madridit, Danilo, i cili këtë sezon nuk ka gjetur hapësirat e dëshiruara në formacionin e madrilenëve. Nga ana tjetër edhe “Los Blancos” janë të gatshëm të lënë të lirë lojtarin, nëse vjen një ofertë e mirë.