Lukaku refuzon rinovimin me Everton

Chelsea beson se mund të ribashkohet me Romelu Lukaku-n, 3 vite pasi e shiti belgun për 27 milionë paund tek Everton. Londinezët shpresojnë t’ia arrijnë vetëm një sezon pas refuzimit që Everton i bëri ofertës prej 57 milionë paund verën e kaluar.
22 vjeç në atë kohë, ai u bë i pari pas Lineker që shënonte 25 gola për Everton në një sezon. Ndërsa aktualisht ai ka shënuar të njëjtin numër golash për klubin dhe kombëtaren në të gjitha kompeticionet. Për ta mbajtur, Fahrad Moshiri i ofron një rinovim prej 140 mijë paundësh në javë për 5 vitet e ardhshme.
Mirëpo belgu që kërkon të luajë në UCL, nuk duket i bindur dhe ka refuzuar në momentin e parë. Raiola që përfaqëson të drejtat e tij, beson si ai do të qëndrojë në “Goodison”. Por Abramovich është tërë sy e veshë në bisedimet mes lojtarit dhe klubit.
Gjithashtu për shërbimet e tij, interesohen Manchester United, Real Madrid dhe Juventus. Lëvizjet e Raiola-s në transferimet e Ibrahimoviç dhe Balotelli, lënë vend për imagjinatë. Merkato e qershorit rezervon gjithnjë të papritura.