Gjermania e Brazili, miqësore në Berlin

Gjermania dhe Brazili do të sfidohen për herë të parë që pas gjysmëfinales në Botërorin e vitit 2014, ku “Pancerat” shkatërruan me rezultatin 7-1 skuadrën e drejtuar në atë kohë nga Scolari. Të dyja përfaqësueset do të përballen në një takim miqësor që do të luhet më 27 mars të 2018-tës në “Olympic Stadium”, të Berlinit, pak muaj para startit të Botërorit të Rusisë. Gjithsesi kjo nuk pritet të jetë miqësorja e vetme e luksit për “Seleçaon”, pasi trajneri Tite pohoi se pret përgjigje edhe nga Italia e Spanja.