Krichbaum poston foton me Merkel pas bisedës për Shqipërinë

Deputeti gjerman i partisë CDU të Kancelares Merkel ishte në Tiranë rreth 1 javë më parë, ku prezantoi 7 pritshmëritë e grupit parlamentar CDU-CSU në Bungestag, në mënyrë që Shqipëria të hapë negociatat.
Por, puna e deritanishme e qeverisë shqiptare sipas tij nuk është mjaftueshëm, dhe në këtë mënyrë deklaroi se grupi parlamentar CDU-CSU do të kërkojë në Bundestag që vendit tonë mos t’i hapen negociatat. Kryeministri Edi Rama tha se Gunther Krichbaum është një zë i veçuar dhe ka folur në emër personal.
Por, ja ku vjen edhe prova se Krichbaum ka qenë në Tiranë me porosi të Kancelares gjermane, Angela Merkel.
Ditën e djeshme, para mbledhjes së grupit parlamentar CDU, deputeti Gungther Krichbaum zhvilloi një bisedë me Kancelaren gjermane.
Ai ka postuar në Facebook edhe një foto ku shfaqet duke biseduar me Merkel dhe sqaron: “Përpara mbledhjes së grupit, pata një bisedë të shkurtër me Kancelaren rreth vizitës sime në Shqipëri javën e kaluar”.