Basha, nderime pranë shtatores së Ismail Qemalit

Kryetari i PD, Lulzim Basha bëri nderime pranë shtatores së Ismail Qemalit. Basha u përul para shtatores së Ismail Qemalit dhe vendosi kurora me lule. “Në këtë orë, 104 vjet më parë Ismail bej Vlora shpalli Pavarësinë e Shqipërisë. Bashkë me një grup patriotësh realizoi ëndrrën shumëshekullore të shqiptarëve për Liri dhe Pavarësi. Duke nderuar veprën e pavdekshme të babait të Pavarësisë dhe bashkëluftëtarëve të tij, sot dua në emrin tim dhe në emrin e gjithë demokratëve shqiptarë, t’iu bëj thirrje bashkëatdhetarëve tanë kudo që ndodhen; Të bashkohemi për të realizuar një Shqipëri të ëndrrave, shpresave dhe mundësive për të gjithë.
Lavdi babait të Pavarësisë Ismail bej Vlora!
Rroftë 28 Nëntori!”, u shpreh Basha.