Veliaj fshihet/ Protestuesit rrethojnë Bashkinë, deputetët e opozitës mbështesin banorët

117

Banorët e Unazës së Re janë organizuar sërish sot në ditën e tyre të dhjetë të protestës, sërish përpara bashkisë së Tiranës.
Protestës së tyre i janë bashkuar sot edhe deputetët e të dy grupeve parlamentare të opozitës, të PD-së dhe të LSI-së. Protesta ka nisur në orën 10:00 dhe do të vazhdojë derisa banorët të marrin kompensimin 100% për banesat e tyre dhe bizneset që do t’u prishen.
Dje, banorët, pas tetë ditëve protestë tek aksi rrugor që do të zgjerohet nga Pallati me Shigjeta deri tek sheshi Shqiponja, u mblodhën përpara bashkisë së Tiranës dhe kërkuan, pa u konfrontuar me Policinë, takim me kryebashkiakun.
Për afro dy orë, ata qendruan duke lëshuar thirrje dhe tundur pankarta me thirrjet Kryeministër ku je? Lali Eri ku je fshehur? Fuqia e njerëzve është më e fortë se njerëzit në pushtet, Duam pronat tona, shtëpitë tona janë bërë me gjak etj.